Qarabağa köç edənlərin evləri satışa çıxarıldı - UCUZ QİYMƏTLƏR/VİDEO


Məcburi köçkünlər üçün tikilən evlərin satışı dayandırlmayıb.

Publika.az xəbər verir ki, satış prosesinin ötən iyulun 1-dək sonlandırlması gözlənilsə də hələ də satılmayan, öz alıcısını gözləyən mənzillər var.

Bu mənzillərin qiyməti mərtəbəsinə, otaq sayına, ölçülərinə görə fərqlənir. Məsələn, Bakının Ümid qəsəbəsində satışa çıxarılan 83,5 kvadrat metr sahəsi olan üçotaqlı mənzilin qiyməti 58 min 450 manatla 61 min 790 manat arasında dəyişir.

Abşeron rayonundakı yeni yaşayış kompleksində də eyni göstəricilərlə oxşar qiymətə mənzillər təklif olunur. Ramana qəsəbəsində isə satışa çıxarılan, hələ bron edilməmiş, 67 min 320 manata təklif olunan üçotaqlı mənzillər mövcuddur.

Əmək və Əhalinin Sosial Müdafiəsi Nazirliyi tabeliyində Sosial Xidmətlər Agentliyinin İctimaiyyətlə əlaqələr şöbəsinin müdiri Murad Həşimov "Xəzər Xəbər”ə müsahibəsində alıcısını gözləyən boş mənzillərin mövcudluğunu təsdiqlədi.

Mənzilləri alan şəxslər tərəfindən dəyəri tam ödənilməklə onlarla notariat qaydasında təsdiq edilmiş alqı-satqı müqaviləsi bağlanır və sahiblərinə təqdim olunur. Mənzillərin qiyməti isə İpoteka və Kredit Zəmanət Fondu tərəfindən təyin edilmiş orta bazar qiymətindən aşağı müəyyən edilib.

O da bildirildi ki, bir il ərzində mənzillərin təxminən 18-19 faizi satılıb.

Orucun orqanizmə təsiri ÜZƏ ÇIXDI




Alimlər müəyyən ediblər ki, uzun müddət oruc tutanda orqanizmdə sağlamlığa faydalı əhəmiyyətli dəyişikliklər baş verir.

Publika.az xəbər verir ki, bu barədə "Nature Metabolism" jurnalında dərc olunan məqalədə deyilir.

Tədqiqatçılar yeddi günlük yalnız su ilə oruc tutan 12 sağlam könüllünü izləyiblər. Könüllülər orucdan əvvəl, oruc zamanı və sonra qanlarında 3000-ə yaxın zülalın səviyyəsinin dəyişməsini qeyd etmək üçün gündəlik monitorinq ediliblər.

Oruc zamanı bədən enerji mənbəyini dəyişir, qidadakı kalorilərdən öz yağ ehtiyatlarını istifadə etməyə keçir. Bununla belə, uzun müddət yemək yeməməyin təsiri və ya hər hansı sağlamlıq nəticələri haqqında çox az şey məlumdur.

Tədqiqatda, oruc tutmağın ilk iki və ya üç günü ərzində bədən enerji mənbələrini - qlükozadan bədəndə yığılan yağa qədər dəyişib. Könüllülər həm piy, həm də əzələ kütləsini orta hesabla 5,7 kiloqram itiriblər. Orucdan sonra üç gün yemək zamanı çəki dəyişməz qalıb - əzələ itkisi demək olar ki, tamamilə dayanıb, lakin yağ kütləsi eyni qalıb.

Ümumiyyətlə, hər üç zülaldan birinin səviyyəsi bütün əsas orqanlarda oruc zamanı əhəmiyyətli dərəcədə dəyişib. Bu dəyişikliklər bütün könüllülər üçün eyni olub, lakin beynin neyronlarında zülalların dəyişməsi kimi arıqlamaqdan kənara çıxan oruc əlamətləri var.
Bu günün havası: külək əsəcək, qar yağacaq




Martın 04-də Azərbaycanda gözlənilən hava şəraiti açıqlanıb.

Milli Hidrometeorologiya Xidmətindən Publika.az-a verilən məlumata görə, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə zəif duman olacaq, şimal-şərq küləyi əsəcək.

Havanın temperaturu gecə 1-4° isti, gündüz 8-13° isti olacaq. Atmosfer təzyiqi normadan yüksək 764 mm civə sütunu, nisbi rütubət gecə 70-80 %, gündüz 50-60 % olacaq.

Azərbaycanın rayonlarında isə hava şəraiti əsasən yağmursuz keçəcək. Lakin gündüz bəzi yerlərdə az yağıntılı olacağı, yüksək dağlıq ərazilərdə qar yağacağı ehtimalı var. Gecə və səhər arabir duman olacaq, mülayim şərq küləyi əsəcək.

Havanın temperaturu gecə 1-6° isti, gündüz 9-14° isti, dağlarda gecə 2-7° şaxta, gündüz 2° şaxtadan 3°-dək isti olacaq. Gecə və səhər bəzi dağlıq ərazilərdə yolların buz bağlayacağı ehtimalı var.
Keçmiş məcburi köçkünlərə “çörək pulu”nun verilişi dayandırılıb? - RƏSMİ AÇIQLAMA + VİDEO


Məcburi köçkünlərin fevral ayına olan müavinətləri hələ də ödənilməyib.

Sosial şəbəkə istifadəçiləri də ötən gündən başlayaraq məcburi köçkünlərə verilən vahid aylıq müavinətin dayandırılacağı ilə bağlı iddialar paylaşırlar.

Məsələyə aydınlıq gətirmək üçün araşdırma aparan "Xəzər Xəbər” məcburi köçkünlərin bankomatların önündən əliboş ayrıldıqlarını aşkarlayıb.

Məsələ ilə bağlı Qaçqınların və Məcburi Köçkünlərin İşləri Üzrə Dövlət Komitəsinin mətbuat katibi İbrahim Mirzəyev bildirib ki, müavinətin dayandırılması ilə bağlı yayılan iddialar yanlışdır.

Maliyyə Nazirliyindən də bildirilib ki, məcburi köçkünlərin sosial müdafiəsi ilə bağlı dəstək tədbirlərinin icrası onların öz doğma yurdlarına qayıdışı başa çatana qədər davam etdiriləcək.

Ətraflı süjetdə:

Əhməd istintaqa görün nə ifadə verib: "Belə lazım idi..."


Ailə üzvlərini qətlə yetirməkdə təqsirli bilinən Əhməd Əhmədovun istintaqa verdiyi ifadə üzə çıxıb.


Referans.az bildirir ki, TV Müsavat istintaq orqanlarındakı mənbəyə istinadən xəbər verir ki, Ə.Əhmədov ilkin ifadəsində törətdiyi qətli heç bir tərəddüd etmədən boynuna alıb. O, törətdiyi qətllərin ardıcıllığını dəqiq təsvir edib və bunu öncədən planlaşdırdığını bildirib. Mənbəmiz deyir ki, Əhməd Əhmədov ifadə verərkən istintaqçıların suallarını da olduqca aqressiv şəkildə cavablandırıb. "Ailə üzvlərini niyə öldürmüsən?” sualına cavabda isə Ə.Əhmədov "Ailəmi öldürdüm, çünki belə lazım idi” söyləyib.

TV Müsavat həmçinin onu da öyrənib ki, 2 gün əvvəl artıq Ə.Əhmədov Psixiatriya Xəstəxanasına yerləşdirilib. İlkin ekspertiza onun psixi durumu ilə bağlı rəy verə bilməyib. Daha doğrusu, Ə.Əhmədovun bu qətli həyata keçirərkən anlaqlı olub-olmadığı barədə yekun ekspert rəyi verilməyib. Bununla bağlı rəyi xəstəxanada müəyyən edəcəklər.

Ə.Əhmədovun dindirilməsində iştirak edən hüquq-mühafizə orqanı əməkdaşları, təcrübəli hüquqşünaslar söyləyir ki, Ə.Əhmədovun qətli anlaqsız vəziyyətdə törətməsinə hamısında şübhələr yaranıb. Belə ki, Ə.Əhmədov affekt vəziyyətdə olsaydı, ardıcıllıqla ailəsinin üzvlərini yox, yolda-izdə gördüyü insanları öldürə bilərdi. Amma o, şüurlu şəkildə ailə üzvlərini öldürüb və anasını evə çağırması, sonra bacısının evinə getməsi onun anlaqlı olduğunu göstərir.

Bu arada hazırda Ə.Əhmədovu qohumlarından heç kim axtarmır. Ona dövlət tərəfindən təyin edilmiş vəkil hüquqi xidmət göstərir. Bundan sonrakı istintaq hərəkətləri zamanı vəkil onu müşayiət edəcək.

İsintaq zamanı Ə.Əhmədov qətllərlə bağlı detallar danışmayıb. Suallara isə lakonik, amma əsəbi cavablar verməklə kifayətlənib. "Balta ilə, bıçaqla vurmuşam” deyərək, əlavə təfərrüat da verməyib. Cinayət alətləri olan bıçaq və baltanı isə atasının yaşadığı evin altındakı mağazadan satın alıb.
Azərbaycanda azyaşlılar arasında daha bir virus yayılıb - VİDEO


Son zamanlar uşaqlar arasında Koksaki virusuna yoluxma halları müşahidə edilir.

Virusun əlamətləri daha çox suçiçəyi ilə oxşar olduğundan müalicəsi bəzən səhv aparılır. Bu isə ağır fəsadlara səbəb olur.

Bəs bu virusa yoluxan zaman müalicə necə olmalıdır?

Ətraflı "İTV Xəbər”in süjetində:

“Telegram” bəzi istifadəçilərə ödəniş etməyə başlayacaq


Bu gündən etibarən "Telegram” kanallarının müəllifləri reklam gəlirlərinin yarısını almağa başlayacaqlar.

Bu barədə mesencerin təsisçisi Pavel Durov şəxsi bloqunda danışıb.

Onun sözlərinə görə, ödənişlər TON blokçeyni və "toncoin” kriptovalyutası vasitəsilə həyata keçiriləcək.

"Mart ayında "Telegram” reklam platforması 100-ə yaxın yeni ölkədə rəsmi olaraq bütün reklamçılar üçün açılacaq. Bu ölkələrdəki kanal sahibləri "Telegram”ın öz kanallarında reklam göstərməkdən əldə etdiyi istənilən gəlirin 50%-ni almağa başlayacaqlar”, - deyə Durov yazıb.

Bildirilir ki, kanal sahibləri bu pulla nə edəcəyini özləri seçəcəklər - onu nağdlaşdırmaq da olacaq, kanalları tanıtmaq və modernləşdirmək üçün yenidən investisiya etmək də.

Qeyd edək ki, "Telegram” kanallarının aylıq trafiki 1 trilyon baxış təşkil edir.
"Qızılcanın dərmanıdır" dedilər: Azərbaycanda eşşək südünün litri 100 manat oldu - VİDEO



Bildiyimiz kimi, ölkədə qızılca xəstəliyi geniş yayılıb. Virus əvvəlki dövrlərə nisbətən daha ağır formada özünü büruzə verir. Hətta bu xəstəlikdən ölənlərin sayı da günü-gündən artır. Artıq insanlar buna görə narahatlıq keçirir və xəstəlikdən xətərsiz qurtulmaq üçün bütün eşitdikləri, bildikləri üsullara əl atırlar. Virusun qarşısında əlacsız qalan bəzi həkimlər isə xəstələrə eşşək südünü məsləhət görüblər. Onlar bildirib ki, əgər xəstə eşşək südü içərsə səpkilər üzə çıxar və qızdırma dərhal düşər. Bunu eşidən işbazlar isə hərəkətə keçərək, eşşək südünün bir litrinin qiymətini 100 manata qaldırıblar. Hətta bir çox saytlarda da "eşşək südü satılır” deyə, elan paylaşanlar da var. Hələ bu südün həqiqətən də eşşək südü olub-olmadığı da şübhə altındadır.

Doğrudanmı eşşək südü qızılca üçün bu qədər faydalıdır, yoxsa bu da işbazların bir oyunudur?

Məsələ ilə bağlı tanınmış həkim Qalib Əsədovun fikirlərini öyrəndik.

Publika.az-a açıqlama verən həkim bildirdi ki, bu cəfəngiyatdır.

"Bu, heç bir tibbi, elmi məlumatlara əsaslanmayan mənasız fikirdir. İşbazların bir oyunudur. Ümumiyyətlə, virusun dərmanı yoxdur. Virusa təsir edən immun sistemidir. Əsgər eşşək südü virusu öldürsəydi, kommunist vaxtı insanlar niyə bu qədər əziyyət çəkirdi ki? Elə eşşək südü içib sağalardılar, virusun qarşısını alırdılar. Təbabətdən, elmdən xəbəri olmayanlar digərlərini aldatmaqdan ötrü bu tipli məsələləri ortaya atıblar”.

"Eşşək südünün öskürəyə necə təsiri var?” - sualına isə həkimin cavabı belə oldu:

"Öskürəyin müxtəlif növləri var. Quru öskürək, uğuldayıcı öskürək, bəlğəmli öskürək və s. Südün heç bir fərqi yoxdur. İnək südü olsun, keçi südü, qoyun südü, at südü. Hamısı məməli heyvanların südüdür. Hansındasa xüsusi xassələr yoxdur”.

Həkim onu da vurğuladı ki, "Ögey ana" filmində o tipli adamları lağa qoyurdular, 21-ci əsrə gəlmişik, yenə də elə şəxslərlə qarşılaşırıq:

"Yadınızdadırmı, Nəsibə Zeynalovanın yaratdığı bir obraz vardı. Orada deyirdi ki, "bu dərmanlardansa bir baş sarımsaq kötüyünü eşşək südündə qaynat iç".

İndi 21-ci əsrdə yaşasaq da, həmin mövzu yenə də aktuallığını itirməyib. Doğurdanmı biz heç dəyişmirik, inkişaf etmək istəmirik?"

Abituriyentlərin NƏZƏRİNƏ: Sənəd qəbulu başlandı


Ali təhsil müəssisələrinə və tam (11 illik) orta təhsil bazasında orta ixtisas təhsili müəssisələrinə sənəd qəbulu başlanıb.

Bu barədə Dövlət İmtahan Mərkəzi məlumat yayıb.

Qeyd edilib ki, ali təhsil müəssisələrinə tələbə qəbulu ilə bağlı əri­zələrin qəbulu iki mərhələdə (yalnız V ixtisas qrupu üzrə müsabiqədə iştirak etmək istəyən abituriyentlər üçün bir mərhələdə) olmaqla internet vasitəsilə aparılır.

Ərizə qəbulunun birinci mərhələsi 2024-cü il martın 1-dən 15-dək həyata keçirilir. Bu mərhələdə ali təhsil və tam (11 illik) orta təhsil bazasında orta ixtisas təhsili müəssisələrinin müsabiqəsində iştirak etmək istəyən bütün abituriyentlər (cari və əvvəlki illərin məzunu olmasından asılı olmayaraq) Dövlət İmtahan Mərkəzinin internet saytının ekabinet.dim.gov.az səhifə­sin­də "Şəxsi kabinet” yaratdıqdan sonra (şəxsi kabineti olmayanlar), onun istifadəçi adı və parolundan istifadə etmək­lə DİM-in müvafiq internet səhifəsinə (eservices.dim.gov.az/erizebak/erize) daxil olub, "Abituriyentin elektron ərizəsi” formasını doldurur və təsdiq edirlər.

Qeyd edək ki, orta ümumtəhsil müəssisələrinin XI sinfini cari ildə bitirən və buraxılış imtahanında verdikləri xarici dildən fərqli bir xarici dil üzrə imtahan vermək istəyən, həmçinin ali təhsil müəssisələrinə qəbul imtahanını orta məktəbdə təhsil aldığı dildən fərqli dil üzrə vermək istəyən cari ilin məzunları da martın 15-dək ərizələrinə daxil olub müvafiq seçimlərini etməli və 14 aprel tarixində keçiriləcək əlavə imtahanda iştirak etməlidirlər. Bundan əlavə, Azərbaycan və rus dilləri istisna olmaqla tədris digər dillərdə aparılan məktəblərdə təhsil alan və ali təhsil müəssisələrinə qəbul imtahanında iştirak etmək istəyən cari ilin məzunları da martın 15-dək ərizələrinə daxil olub müvafiq seçimlərini etməli və 14 aprel tarixində keçiriləcək əlavə imtahanda iştirak etməlidirlər.

2023-cü ildə qəbul imtahanının I mərhələsində (buraxılış imtahanlarında) iştirak edən abituriyent öz istəyindən asılı olaraq cari ildə keçirilən qəbul imtahanının I mərhələsində iştirak edə və ya etməyə bilər. İştirak etmədiyi halda abituriyentin qəbul imtahanının I mərhələsindəki nəticəsi kimi ötənilki imtahanın nəticəsi əsas götürülür və bu zaman həmin abituriyent üçün ərizənin təsdiqi ödənişsiz olur. Qeyd edək ki, hər iki halda abituriyent müəyyən olunmuş vaxtda elektron ərizəsində müvafiq seçimi etməlidir.

V ixtisas qrupu üzrə ali təhsil müəssisələrinin müsabiqəsində iştirak etmək istəyən abituriyentlər (cari və əvvəlki illərin məzunu olmasından asılı olmayaraq) də martın 1-dən 15-dək qeydiyyatdan keçməlidirlər.

Ərizə qəbulunun 1-ci mərhələsi ilə bağlı videotəlimata buradan baxa bilərsiniz.

Ərizə qəbulunun 2-ci mərhələsi (I, II, III və IV ixtisas qrupları üzrə müsabiqədə iştirak etmək istəyən abituriyentlər üçün)

I, II, III və IV ixtisas qrupları üzrə qəbul imtahanının II mərhələsinin 1-ci cəhdində iştirak etmək istəyənlər 2024-cü il aprelin 15-dən mayın 6-dək şəxsi kabi­netinin istifadəçi adı və parolundan istifadə etmək­lə DİM-in mü­va­fiq internet səhifəsinə (eservices.dim.gov.az/erizebak/erize) daxil olaraq imtahan vermək istədikləri ixtisas qrupunu seçərək qeydiyyatdan keçirlər. Bu zaman abituriyentlər qəbul imtahanının II mərhələsində iştirak üçün tələb olunan məbləği şəxsi kabinetlərindəki hesablarına əlavə edirlər və həmin məbləğ ərizə təsdiq olunduqda onların şəxsi kabinetlərindəki hesablarından silinir. Qeydiyyat zamanı I və ya III ixtisas qrupunu seçən abituriyentlər öz istəklərinə əsasən təhsil almaq istədikləri ixtisas və ya ixtisaslara uyğun olan aşağıdakı seçimlərdən birini edirlər:

I ixtisas qrupu üzrə:

- RK;

- Rİ;

- RK və Rİ;

III ixtisas qrupu üzrə:

- DT;

- TC;

- DT və TC.

I ixtisas qrupunun RK və Rİ altqruplarının hər ikisini seçən abituriyentlər "İnformatika”, III ixtisas qrupunun DT və TC altqruplarının hər ikisini seçən abituriyentlər isə "Coğrafiya” fənni üzrə imtahanda iştirak etmək üçün müvafiq qaydada əlavə ödəniş edirlər.

I, II, III və IV ixtisas qrupları üzrə qəbul imtahanının II mərhələsinin 2-ci cəhdində iştirak etmək üçün qeydiyyat 2024-cü il mayın 31-dən iyunun 17-dək aparılır. İmtahanın 2-ci cəhdində iştirak etmək istəyənlər şəxsi kabi­netin istifadəçi adı və parolundan istifadə etmək­lə DİM-in mü­va­fiq internet səhifəsinə (eservices.dim.gov.az/erizebak/erize) daxil olaraq yenidən imtahan vermək istədikləri ixtisas qrupunu seçərək qeydiyyatdan keçirlər və müvafiq qaydada ödəniş edirlər. 2-ci cəhd üzrə qeydiyyat zamanı I və ya III ixtisas qrupunu seçən abituriyentlər 1-ci cəhd üzrə olduğu qaydada öz istəklərinə uyğun olaraq müvafiq ixtisas qrupu üzrə altqruplardan birini, yaxud hər ikisini seçməlidirlər.

I, II, III və IV ixtisas qrupları üzrə qəbul imtahanının II mərhələsinin hər iki cəhdində iştirak etmək istəyən abituriyentlər eyni və ya fərqli ixtisas qrupları üzrə imtahan verə bilərlər.

Müsabiqədə iştirak ödənişlidir. Abituriyentlər ərizəni təsdiq etmək (etdirmək) üçün qəbul imtahanının I mərhələsində iştirak üçün tələb olunan məbləği şəxsi kabinetlərindəki hesablarına əlavə edirlər və həmin məbləğ ərizə təsdiq olunduqda onların şəxsi kabinetlərindəki hesablarından çıxılır.

Ali təhsil müəssisələrinə tələbə qəbulu ilə bağlı DİM-in göstərdiyi ödənişli xidmətlərə edilən güzəştlər haqqında məlumat

"Azərbaycan Respublikasında ali və orta ixtisas təhsili müəssisələrinə tələbə qəbulu imtahanlarının təşkilinin tənzimlənməsi ilə bağlı əlavə tədbirlər haqqında” Azərbaycan Respublikası Prezidentinin 2017-ci il 24 fevral tarixli 2694 nömrəli Sərəncamının 1.2-ci bəndinə əsasən, ali təhsil müəssisələrinə tələbə qəbulu ilə bağlı imtahanda iştirak üçün ilk dəfə müraciət edən Azərbaycan Respublikası vətəndaşlarının (yalnız ümumi təhsil müəssisələrini bitirən) qəbul imtahanında iştirakı dövlət büdcəsinin vəsaiti hesabına olur (imtahanın ikinci mərhələsinin yalnız bir cəhdi ödənişsizdir).

"Azərbaycan Respublikasında ali və orta ixtisas təhsili müəssisələrinə tələbə qəbulu imtahanlarının təşkilinin tənzimlənməsi ilə bağlı əlavə tədbirlər haqqında” Azərbaycan Respublikası Prezidentinin 2017-ci il 24 fevral tarixli 2694 nömrəli Sərəncamının 1.3-1.7-ci bəndlərinə əsasən aşağıdakı kateqoriyalardan olan Azərbaycan Respublikası vətəndaşlarının (yalnız ümumi təhsil müəssisələrini bitirən) qəbul imtahanında (bütün mərhələ və cəhdlər üzrə) iştirakı dövlət büdcəsinin vəsaiti hesabına həyata keçirilir:

Azərbaycan Respublikasının ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar əlilliyi müəyyən edilmiş şəxslərin uşaqları; şəhid ailəsinin üzvləri; valideynlərini itirmiş və valideyn himayəsindən məhrum olmuş uşaqlar; məcburi köçkün statusu olan şəxslər; I və II dərəcə əlilliyi müəyyən edilmiş şəxslər, o cümlədən sağlamlıq imkanları məhdud 18 yaşınadək uşaqlar.

Ərizənin təsdiqi DİM-in məlumat bazasında abituriyent barədə olan məlumatların yetərli olub-olmamasından asılı olaraq iki üsulla həyata keçirilir (ərizənin hansı üsulla təsdiq ediləcəyi barədə məlumat proqram tərəfindən "Abituriyentin elektron ərizəsi” forması təsdiq edilənədək ərizəyə hər dəfə daxil olarkən ekranda göstərilir):

Abituriyentlərin əksəriyyəti ərizələrini özləri təsdiq edə bilirlər. Ərizəsini Sənəd Qəbulu Komissiyasında təsdiq etdirməli olan abituriyentlər elektron ərizələrini doldurduqdan sonra tələb olunan sənədləri şəxsən təqdim etməklə elektron ərizələrini müvafiq SQK-larda təsdiq etdirirlər.

Ali təhsil müəssisələrinə tələbə qəbulu ilə bağlı subbakalavrların ərizələrinin qəbulu 11 may – 31 iyul tarixlərində internet vasitəsilə aparılacaq. Daha ətraflı məlumatla tələbə qəbulu haqqında elanın son hissəsində tanış ola bilərsiniz.

Tam (11 illik) orta təhsil bazasında orta ixtisas təhsili müəssisələrinə tələbə qəbulu

11 illik orta təhsil bazasında orta ixtisas təhsili müəssisələrinə ərizələrin qəbulu 2024-cü il martın 1-dən 15-dək internet vasitəsilə aşağıdakı qaydada aparılır:

Abituriyentlər ekabinet.dim.gov.az internet səhifəsində "Şəxsi kabinet" yaratdıqdan sonra (şəxsi kabineti olmayanlar) şəxsi kabinetinin istifadəçi adı və parolundan istifadə etməklə Dövlət İmtahan Mərkəzinin müvafiq internet səhifəsinə (eservices.dim.gov.az/erizebak/erize) daxil olub, "Abituriyentin elektron ərizəsi" formasını doldurur və ərizəni təsdiq edirlər.

Ərizənin təsdiqi DİM-in məlumat bazasında abituriyent barədə olan məlumatların yetərli olub-olmamasından asılı olaraq iki üsulla həyata keçirilir (ərizənin hansı üsulla təsdiq ediləcəyi barədə məlumat proqram tərəfindən "Abituriyentin elektron ərizəsi” forması təsdiq edilənədək ərizəyə hər dəfə daxil olarkən ekranda göstərilir).

Abituriyentlərin nəzərinə çatdırırıq ki, qəbul kampaniyasının bütün mərhələlərində Qərbi Kaspi, Azərbaycan, Bakı Biznes, Odlar Yurdu, Bakı Avrasiya, Memarlıq və İnşaat Universitetlərində, Azərbaycan Dövlət Aqrar Universitetində, Dövlət İmtahan Mərkəzinin regional bölmələrində abituriyentlərə tələbə qəbulu qaydaları, ali və orta ixtisas təhsili müəssiələrinə ərizə qəbulu, "Abituriyentin elektron ərizəsi”nin doldurulma və təsdiq edilmə qaydası və bu zaman qarşıya çıxa biləcək texniki problemlərin həlli, müsabiqə şərtləri və s. məsələlər haqqında kömək etmək məqsədilə yaradılan və ödənişsiz əsaslarla fəaliyyət göstərən "Abituriyent Məsləhət Mərkəzləri”nə müraciət edə bilərlər.
Azan əsgərimiz İrəvanda həbs edildi: Ağlasığmaz ittiham


Ötən gün Laçın rayonu ərazisindəki xidməti mövqelər arasında hərəkət edərkən əlverişsiz hava şəraitində istiqaməti itirərək Ermənistan tərəfə keçən Ruslan Pənahov Ermənistanda həbs edilib.

Publika.az Axar.az-a istinadən xəbər verir ki, ona qarşı Ermənistan Cinayət Məcəlləsinin 44-155-ci maddəsinin 2-ci hissəsinin 7 və 15-ci bəndləri ilə ittiham irəli sürülüb.

Sözügedən maddələr "təxribata cəhd”, "başqalarının həyatı üçün təhlükəli üsulla adam öldürməyə cəhd”, o cümlədən "milli, dini nifrət, dözümsüzlük və düşmənçilik zəminində adam öldürməyə cəhd”, "qanunsuz olaraq odlu silah və döyüş sursatı gəzdirmə və daşıma, qaçaqmalçılıq yolu ilə odlu silah və döyüş sursatı keçirmə, qanunsuz yolla Ermənistan Respublikasının dövlət sərhədini pozma”nı nəzərdə tutur.
Axtarış
Xəbər lenti
Reklam