“Euronews”: “Azərbaycan liderinin cüdoya dəstəyi gələcək istedadlara öz təsirini göstərir”


Azərbaycan cüdoçularının Bakıda keçirilən "Böyük Dəbilqə” turnirində yüksək çıxışı və yarışın ikinci günündə iki qızıl medal qazanması Prezident İlham Əliyevin idmanın bu növünə verdiyi dəstəyin ifadəsidir.

Bu barədə "Euronews” telekanalının reportajında deyilir.

"Prezident Əliyevin bu idman növünə böyük marağı Azərbaycanın cüdo dünyasında nüfuzunun yüksəlməsinə mühüm töhfələr verib. Onun bu yaxınlarda yeni tikilmiş və ən müasir avadanlıqlarla təchiz edilmiş Milli Təlim Mərkəzinə səfəri də bunu bir daha sübut edir.

Azərbaycan yapon döyüş sənətinə dərin həvəsi olan ölkədir və onun rəhbərinin dəstəyi təkcə cüdoçuların indiki nəslini ruhlandırmır, eləcə də gələcək istedadlara təsir edir”, - deyə süjetdə bildirilir.
Daha bir qadın güləşçimiz Avropa çempionu oldu




Azərbaycanın daha bir qadın güləşçisi Alyona Kolesnik Rumıniyanın paytaxtı Buxarestdə keçirilən Avropa çempionatında final görüşünə çıxıb.

Publika.az xəbər verir ki, 59 kq çəki dərəcəsində yer alan idmançı həlledici qarşılaşmada Alina Filipoviçlə (Ukrayna) üz-üzə gəlib.

Rəqibinə qalib gələn Kolesnik karyerasında ilk dəfə qitə çempionatında qızıl medal əldə edib.

Daha əvvəl Mariya Stadnik (50 kq) 10-cu titulunu rəsmiləşdirib.

Bu gün mübarizəyə qoşulan Jalə Əliyeva (57 kq) 1/4 finalda, Birgül Soltanova 1/8 finalda, Elis Manolova (65 kq) isə yarımfinala məğlub olub. Manolova sabah bürünc medal uğrunda görüşdə qüvvəsini sınayacaq.

Qeyd edək ki, daha əvvəl yunan-Roma güləşi üzrə Azərbaycan millisi Avropa çempionatında 3 qızıl, 2 gümüş, 1 bürünc medal qazanıb. Nihat Məmmədli (60 kq), Murad Məmmədov (63 kq), Həsrət Cəfərov (67 kq) birinci, Rəşad Məmmədov (55 kq), Ülvü Qənizadə (72 kq) ikinci, Beka Kandelaki (130 kq) isə üçüncü yeri tutub.
“Qarabağ” legioner futbolçusu ilə müqaviləni yenilədi




"Qarabağ” klubu futbolçusu Leandro Andrade ilə müqaviləni yeniləyib.

Klubdan Publika.az-a verilən məlumata görə, kabo-verdeli yarımmüdafiəçi ilə sözləşmə 2027-ci ilin iyunun 30-dək uzadılıb.

24 yaşlı futbolçu 2022-ci ilin yanvarından "köhlən atlar"ın formasını geyinir. L. Andrade "Qarabağ”ın heyətində 86 oyun keçirib və 22 qol vurub. O, Premyer Liqada 55 (16 qol), kubokda 8 (1 qol), avrokuboklarda 23 (5 qol) matçda iştirak edib.

Qeyd edək ki, Leandro "Qarabağ”ın heyətində iki dəfə (2021-22, 2022-23) Azərbaycan çempionu, bir dəfə (2021-22) ölkə kubokunun qalibi olub.
EEVZA: Azərbaycan millisi ikinci oyununa çıxacaq


20 yaşadək voleybolçu qızlardan ibarət Azərbaycan millisi Litvanın Şaulyay şəhərində keçirilən Şərqi Avropa Voleybol Zonal Assosiasiyası (EEVZA) çempionatında növbəti oyununa çıxacaq.

"Report” xəbər verir ki, Şahin Çatmanın baş məşqçisi olduğu kollektiv Latviya yığması ilə üz-üzə gələcək.

Qarşılaşma Bakı vaxtı ilə saat 14:00-da başlanacaq. Millimiz ilk matçında Estoniyaya 0:3 hesabı ilə uduzub. U-20 növbəti günlərdə Ukrayna, Litva və Polşa ilə də görüşəcək.

Qeyd edək ki, yanvarın 7-dək davam edəcək yarış AVRO-2024-ə seçmə xarakter daşıyır. Reqlamentə əsasən, çempion qitə birinciliyinin final mərhələsinə vəsiqə əldə edəcək.
Bu gün Ağdamın işğaldan azad olunmasından üç il keçir

Bu gün Ağdam şəhərinin işğaldan azad olunmasından üç il keçir.

Oxu.Az xatırladır ki, Ağdam rayonunun işğaldan azad olunması Azərbaycan, Rusiya və Ermənistan liderlərinin noyabrın 10-da imzaladığı Qarabağ üzrə Üçtərəfli bəyanat əsasında baş verib.

Bəyanata uyğun olaraq, Ağdam rayonu 2020-ci il noyabrın 20-dək Azərbaycan Respublikasına təhvil verilib.

Qeyd edək ki, Ağdam 1993-cü ilin 23 iyul tarixində Ermənistan silahlı qüvvələri tərəfindən işğal edilib.

Sahəsi 1150 kvadrat km olan rayonun relyefi əsasən düzənlik, qismən dağlıqdır. Ermənilər vaxtilə Ağdam rayonu ərazisinin 846,7 kvadrat kilometrini, yəni ümumi ərazisinin 77,4 faizini işğal etməyə nail olublar.

Rayonun 202 200 nəfər əhalisi var. Hazırda məcburi köçkün həyatı yaşayan əhali respublikanın müxtəlif şəhər və rayonlarında məskunlaşıb.  

İşğaldan əvvəl Ağdamda 54 tibb müəssisəsi, 79 mədəniyyət ocağı fəaliyyət göstəririb.

2008-ci ildə "Lonely Planet” jurnalı Ağdamı "Qafqaz Hiroşiması” adlandırıb. 2010-cu ildə "Əl-Cəzirə” Ağdamı "ruhlar şəhəri” siyahısına salıb.
Ermənini məğlub edən boksçumuz ikiqat AVROPA ÇEMPİONU OLDU

Monteneqronun Budva şəhərində 22 yaşadək boksçular arasında Avropa çempionatında final döyüşləri keçirilib.

Publika.az xəbər verir ki, həlledici mərhələdə Azərbaycan millisinin 2 boksçusu rinqə çıxıb.

Yığmamızın lideri Nicat Hüseynov (51 kq) finalda Ermənistan təmsilçisi Rudolf Qarboyanla döyüşüb. Boksçumuz rəqibinə heç bir şans verməyib. Hər 5 raundu xeyrinə bitirən Hüseynov yekunda 5:0 (29:28, 30:27, 29:28, 30:27, 30:27) hesabı ilə inamlı qələbə qazanıb. O, bununla da titulunu qoruyaraq ardıcıl ikinci dəfə Avropa çempionu olub və Budvada Azərbaycan himnini səsləndirib.

57 kq çəkidə Əzrək Bəbirov isə yarışı gümüş medalla başa vurub.

Beləliklə, Azərbaycan yığması Avropa çempionatını 5 medalla başa vurub. Komandamız 1 qızıl, 1 gümüş və 3 bürünc mükafata yiyələnib. Millimizə bürünc medalları Tural Sarıyev (48 kq), Murad Allahverdiyev (80 kq) və Marjona Savriyeva (50 kq) qazandırıb.

Qeyd edək ki, 1 il öncə Xorvatiyada yığmamız 1 qızıl, 1 gümüş və 2 bürünc medala yiyələnmişdi.
Avro-2024: 2 azarkeş öldürüldü, millimizin rəqiblərinin oyunu yarımçıq qaldı



Avro-2024-ün seçmə mərhələsi çərçivəsində keçirilən Belçika - İsveç matçında ciddi insident yaşanıb.

Publika.az xəbər verir ki, ilk hissə başa çatdıqdan sonra qarşılaşma yarımçıq qalıb. Buna səbəb Brüsseldə keçirilən oyundan öncə 2 isveçli azarkeşin qətlə yetirilməsi olub. Fasilədə hadisədən xəbər tutan isveçli oyunçular ikinci hissədə meydana çıxmamamaq qərarına gəliblər.

Belçikalı futbolçu lar həmkarlarının qərarını dəstəklədiklərindən UEFA nümayəndəsi oyunu dayandırmaq qərarına gəlib. Stadionun mühafizə xidməti isə təhlükəsizlik tədbirləri alaraq azarkeşlərdən yerlerini tərk etməmələrini tələb edib.

Qeyd edək ki, Belçika və İsveç yığmaları millimizlə eyni, F qrupunda mübarizə aparır.
Azərbaycan güləşçisi ardıcıl ikinci dəfə dünya çempionu olub


Azərbaycanın çimərlik güləşçisi İbrahim Yusubov ardıcıl 2-ci dəfə dünya çempionu olub.

"Report” xəbər verir ki, o, Türkiyənin Muğla bölgəsinin Sarıgerme qəsəbəsində keçirilən yarışda buna nail olub.

İ.Yusubov 90 kq çəki dərəcəsində Dünya Seriyasının Final mərhələsində gümüş medal qazanıb. Seriyanın 5 mərhələsinin yekununa əsasən, hamıdan çox xal toplayan güləşçi dünya çempionu titulunu qoruyub.

Əvvəlki dünya çempionatlarında qızıl və gümüş medal qazanmış Oyan Nəzəriani (+90 kq) medal kolleksiyasını tamamlayıb. O, bu dəfə bürünc mükafata sahib çıxıb. Ramiz Həsənov (70 kq) isə yekunda 4-cü yeri tutub.

Qeyd edək ki, çimərlik güləşi üzrə millinin baş məşqçisi kimi fəaliyyət göstərən Oyan Nəzəriani bu yarışda idmançı karyerasını başa vurub.
Azərbaycanlı şahmatçı gənclər arasında dünya çempionu oldu


İtaliyada rapid və blits üzrə gənclər arasında şahmat üzrə dünya çempionatı keçirilir.

Oxu.Az xəbər verir ki, Azərbaycanı yarışda Maqomed Muradlı və Gövhər Beydullayeva təmsil edir.

Rapid üzrə 11 turun nəticələrinə əsasən Beydullayeva 9 xal toplayaraq 1-ci yeri tutub. Muradlı isə 6,5 xalla 8-ci yerdə qərarlaşıb.

Gənclər arasında dünya çempionatı blits-turnirlə davam edəcək.

Reytinqə görə, Muradlı 47 iştirakçı arasında dördüncü, Beydullayeva isə 24 iştirakçı arasında üçüncüdür.
Yunan-Roma güləşi üzrə millimiz komanda hesabında dünya çempionu oldu

Serbiyanın paytaxtı Belqradda keçirilən dünya çempionatına yekun vurulub. Yunan-Roma güləşi üzrə millimiz tarixi uğura imza atıb.

Oxu.Az xəbər verir ki, iki qızıl, üç gümüş medal qazanan yığmamız 120 xal toplayaraq ilk dəfə komanda hesabında dünya çempionu olub.

Qeyd edək ki, daha öncə sərbəst güləşdə də belə bir uğurumuz olmayıb. Buna qədər ən yaxşı nəticələrimiz sərbəst güləşdə 2009 və 2010, yunan-Roma güləşində isə 2015 və 2022-ci ildə qeydə alınıb. Həmin dünya çempionatlarında millilərimiz komanda hesabında ikinci yeri tutmuşdu.

Yunan-Roma güləşi üzrə millimiz həm medalların əyarına, həm də toplanan xallara görə də dünya çempionatlarında Azərbaycan güləş yığmaları tarixinin ən yaxşı nəticəsinə imza atıb.

Mundialda İran (102) ikinci, Türkiyə (93) isə üçüncü yeri tutub.

Xatırladaq ki, bu yarışda Eldəniz Əzizli (55 kq) ilə Rafiq Hüseynov (82 kq) dünya çempionu olublar. Murad Məmmədov (63 kq), Həsrət Cəfərov (67 kq) və Sənan Süleymanov (77 kq) isə gümüş medal qazanıblar. Komandamız 67 və 77 kq-da Olimpiadaya lisenziya qazanıb.
Axtarış
Xəbər lenti
Reklam