Qənirə Paşayeva tanınmış qazi paralimpiyaçılarla görüşüb - FOTOLAR

Milli Məclisin Mədəniyyət Komitəsinin sədri Qənirə Paşayeva qazilər - ikiqat Paralimpiya çempionu İlham Zəkiyev və Milli Paralimpiya Komitəsinin Boccia idman növü üzrə baş məşqçisi İlham Məhərrəmovla görüşüb.

Q.Paşayeva hər iki paralimpiyaçını cənab Prezidentin bugünlərdə imzaladığı Sərəncamla təltif olunmaları münasibəti ilə təbrik edib. Onların fiziki qüsurlu gənclərdə həyat eşqinin oyanması və güclənməsindəki aparcı rolunu xatırladan Q.Paşayeva, hər iki qazi idmançıya yeni uğurlar arzulayıb. Paralimpiyaçıların əslində, mübarizə mədəniyyətini nümayiş etdirdiyini xatırladan Komitə sədri, hər iki tanınmış idman xadiminin ictimaiyyət tərəfindən vətəncanlı insanlar, gənclərin yaxın dostu sayılan ziyalılar olaraq tanındığını minnətdarlıqla vurğulayıb.

Q.Paşayeva qazi paralimpiyaçılara üzərində "Qarabağ Azərbaycandır!" yazılmış qol saatı və Qarabağ motivli digər xatirə hədiyyələri təqdim edib.

İ.Zəkiyev və İ.Məhərrəmov səmimi görüş üçün Komitə sədrinə təşəkkür edib.

Görüşdə millət vəkili Ceyhun Məmmədov və RHİM İB sədri Arzu Bağırova iştirak edib.

Futbol üzrə Azərbaycan Premyer Liqasında XVI turun daha bir oyunu keçirilib.
 
"Qarabağ" Sumqayıtda eyniadlı komanda ilə qarşılaşıb. Görüş qolsuz heç-heçə ilə başa çatıb.
 
Bu nəticədən sonra xallarını 30-a çatdıran Ağdam klubu "Neftçi" ilə 1 - 2-ci yerləri bölüşdürür. Ötən tur "Qarabağ" məhz flaqmana uduzaraq, liderliyi əldən vermişdi. "Sumqayıt" isə 23 xalla 4-cü sırada qalıb.
 
Günün ilk matçında "Səbail" evdə "Sabah"ı 2:0 hesabı ilə yenib.
 
Qeyd edək ki, tura fevralın 20-də oynanılacaq "Keşlə" - "Zirə" və "Neftçi" - "Qəbələ" görüşləri ilə yekun vurulacaq.
Aftandil Hacıyev:
"Bu gün maraqlı görüş alındı. Hər iki komanda mübarizə apardı və məğlub olmaq istəmirdi".
 
Bu fikirləri "Səbail"in baş məşqçisi Aftandil Hacıyev Azərbaycan Premyer Liqasının XVI turunda evdə "Sabah"ı 2:0 hesabı ilə məğlub etdikləri oyundan sonra mətbuat konfransında deyib.
 
40 yaşlı mütəxəssis bildirib ki, ağır qrafiqdən sonra qələbə qazanmaq istəyiblər: "Bu gün futbolçular bütün tapşırıqları dəqiq yerinə yetirməyə çalışdılar. Çox diqqətli oynadıq. Əvvəlki səhvlər bu gün minimuma endi. Qapımız qarşısında rəqibə qol şansı da vermədik. Hücumda daha aktiv idik və istədiyimiz qələbəni qazandıq. Çempionat ağır keçir. Ən çətin qrafikdə oynayan komanda bizik. Kasad heyətlə həm nəticə qazanmaq, həm də yaxşı oyun sərgiləmək çətindir. Bu günə qədər də oyunumuzdan tam narazı deyildim. Öz səhvlərimizdən qollar buraxırdıq".
 
Hacıyevin sözlərinə görə, müdafiəçilərin bugünkü oyunu onu sevindirib: "Bu "Səbail"i meydanda görmək istəyirdim. Qışa qədər daha az top buraxan komandalardan idik. Görüşün ilk hissəsində daha yaxşı oynadıq. İkinci yarıda rəqib sistemi dəyişdi. Meydanın mərkəzində çoxaldılar və üstünlük bir az onlara keçdi. O ərəfədə səhvsiz oynamağı bacardıq. İkinci qolu vurduqdan sonra isə rəqib sakitləşdi. Bu gün istədiyimiz oyunla qələbə əldə etdik. Amma bundan sonrakı matçlar da çətin keçəcək. Rahatlaşmaq olmaz. Bizi "Qarabağ"la çətin səfər oyunu gözləyir. "Sabah"la qarşılaşmanı unudub ona hazırlaşmalıyıq. Rəqibə də uğurlar arzulayıram. Bu gün öz transferləri ilə ictimaiyyətlə səs-küy salmağı bacarıblar. İnanıram ki, gələcəkdə istədikləri uğuru qazana biləcəklər".
 
Baş məşqçi "Sumqayıt"a iki oyunun yekununda daha az qolla uduzduqları kubokdakı matçları xatırlayıb: "Kubokda mübarizəni dayandırmaq sırf "Səbail"in günahı deyildi. Hər iki görüşdə hakim səhvləri oldu. Kuboka görə komandamı günahlandırmaq istəmirəm. Hər iki oyunda topa sahib olmada rəqibdən üstün idik. "Sumqayıt" kubok oyunlarında təcrübəsi olan komandadır. Çempionatımızda açıq autsayder yoxdur. Heyəti və imkanları geniş olan komandalar var. Biz bu amillərə görə geridə qalsaq da, oyunumuzla geridə qalmayacağıq. Sona kimi mübarizə aparacağıq. Qarşımıza Avropa Liqasına vəsiqə qazanmaq kimi tələb qoymamışıq".
Nazir müavininin qabırğası çatlayıb
Gənclər və idman nazirinin müavini İsmayıl İsmayılov xəsarət alıb.
 
Bu barədə "Report"a nazirliyin Mətbuat katibi Səmayə Məmmədova bildirib. Onun sözlərinə görə, hadisə İsmayılov işdən çıxarkən baş verib. Məmmədova bildirib ki, nazirlik rəsmisi ayağının burxulması nəticəsində yıxılıb: "İsmayıl müəllimin qabırğası çatlayıb. Ona ilkin həkim müdaxiləsi olub".
 
Artıq İsmayılovun xəstəxanadan evə buraxıldığını deyən mətbuat katibi onun müalicəsini ev şəraitində davam etdirdiyini diqqətə çatdırıb: "Ağır heç nə yoxdur, qısa zamanda işə çıxacaq".
 
Qeyd edək ki, İsmayıl İsmayılovun xəstəxanaya yerləşdirilməsini unikal.org saytı yayıb
"Qarabağ”ın baş məşqçisi Qurban Qurbanov "Neftçi”yə 1:2 hesablı məğlubiyyətdən sonra jurnalistlərin suallarını cavablandırıb.
 
- Samir Abasovu təbrik edirəm. Layiqli və lazım olan qalibiyyəti əldə etdilər. Bir az qarışıq oyun oldu. Futbolçularımdan narazı qaldım. İkinci hissədəki qırmızı vərəqəyə hazır idim. Bunun üzərində fasilədə dayandım. Amma yenə bu baş verdi.
 
"Neftçi”nin qırmızı vərəqəsinə qədər oyundan razı qaldım, ondan sonra yox. Bəzən oyunun gedişatında hər şeyi əla almaq olmur. Hakim inamlı qərarlar verdi. Bəzən hakimlər vərəqədən sonra özünü itirir. Amma onun qərarları qəti idi.
 
Bəzi epizodlarda yanlış qərarı ola bilər. Ona uğurlar arzu edirəm. Bir həftə əvvəl hakimlər komitəsindən gələnlərlə eyni epizodları analiz etmişdik.
 
Ssenari belə alındı ki, bu epizodlar gəldi. Bu mövsüm iki məğlubiyyət almışıq və hər ikisi "Neftçi”yə olub. Maraqlı qarşılaşma alındı.
 
- Ayrı-ayrı futbolçulardan, yoxsa ümumi komandadan narazı qaldınız?
 
- Komandadan narazı qaldım. Çünki oyun nizam-intizamı mənim üçün önəmlidir.
 
- Kevin Medinaya hər hansı cəza olacaq?
 
- Bu gün qərar versəm ki, onu cəzalandırım, yanlış qərar qəbul etmiş olaram. Epizoda sabah bir də baxacağam. Cəza verilə bilər.
"Sevinməyə 2 gün vaxtımız var. "Qarabağ"ı təbrik edirəm. Hər kəsə nümunədir. Bu komanda ilə oynamaq motivsiyadır. Çətin oyun oldu. Qarşıya qoyulan vəzifənin öhdəsindən gəldik. Futbolçularıma təşəkkürümü bildirirəm. Hakimləri təbrik edirəm. Məqsədim onları təzyiq altında saxlamaq idi".
 
Bunu "Neftçi"nin baş məşqçisi Samir Abasov səfərdə "Qarabağ"ı 2:1 hesabı ilə məğlub etdikləri oyundan sonra mətbuat konfransında deyib.
 
43 yaşlı mütəxəssis bu qələbə ilə hələ heç nəyin həll olunmadığını bildirib: "Bu gün fərqli gün idi. Udsaq da, hələ heç nə həll olunmayıb. Digər komandalarla matçlarda xal itirə bilərik. Qarşıda hələ 14 oyun var. Sonadək vuruşacağıq. Bu qələbə stimul olacaq".
 
Abasov "Zirə" ilə kubok matçına da toxunub: "İkinci oyunda komandam yaxşı oynadı. Mərhələni keçsəydim, nədən danışacaqdılar? Komandamın super oynadığını deməklə futbolçularıma motivasiya vermək istəyirdim. Sadəcə, fikrimin başqa istiqamətə yozulması məni məyus etdi. Məqsəd özümüzü kimləsə müqayisə etmək deyildi".
 
Baş məşqçi növbəti turda "Qəbələ" ilə keçirəcəkləri səfər matçından da söz açıb: "Çətin olacaq, amma əlimizdən gələni edəcəyik. "Qəbələ" yaxşı komandadır. Əsas öz oyunumuza fikir verməliyik. Sabitliyi qorumaq lazımdır".
 
Təcrübəli mütəxəssis yeni transfer Əhməd Əhmədovdan da danışıb: "Başqa hücumlçuara baxırdıq. Əhməd Əhmədovdan söhbət belə getmirdi. Amma digərləri alınmadı. Sonra bu variant çıxdı. Viza məsələsi həll olunan kimi Bakıya gələcək".
Azərbaycan Premyer Liqasında XV turun daha bir oyunu keçirilib.
 
"Qarabağ" Tofiq Bəhramov adına Respublika stadionunda "Neftçi" ilə qarşılaşıb. Matç qonaqların 2:1 hesablı qələbısi ilə başa çatıb.
 
Görüş "ağ-qaralar" üçün yaxşı başlamayıb. 22-ci dəqiqədə sağ cinah müdafiəçisi Ömər Buludov rəqib komandanın kapitanı Maksim Medvedevə qarşı kobud oynayaraq meydandan qovulub. Amma flaqman azlıqda qalmasına baxmayaraq, 6 dəqiqə sonra Namik Ələskərovun qolu ilə hesabı açıb. İlk hissə bu hesabla başa çatıb. İkinci yarıya fəal başlayan "Qarabağ" 58-ci dəqiqədə tarazlığı bərpa edib. Cərimə meydançasındakı qarışıqlıqdan istifadə edən Mahir Emreli fərqlənib.
 
72-ci dəqiqədə "Qarabağ"ın cərimə meydançasında "köhlən atlar"ın müdafiəçii Kevin Medina ilə qonaq komandanın yarımmüdafiəçisi Mamadu Kane arasında dava düşüb. Rəqibini vuran Medina birbaşa qırmızı vərəqə ilə meydandan qovulub. Ardınca isə Kane ikinci sarı vərəqəni görərək, komandasını azlıqda qoyub. 75-ci dəqiqədə təyin olunmuş penaltini dəqiq yerinə yetirən Namik Ələskərov komandasına vacib qələbə qazandırıb. Matçın əsas vaxtına əlavə olunmuş 3-cü dəqiqədə "ağ-qaralar" meydan 8 nəfərlə qalıb. Voislav Stankoviç ikinci sarı vərəqəni görərək meydanı tərk edib.
 
Bu nəticədən sonra xallarını 30-a çatdıran "Neftçi" liderliyə yüksəlib. "Qarabağ" isə 29 xalla 2-ci sırada qalıb.
 
Qeyd edək ki, günün ilk oyununda "Sumqayıt" evdə "Səbail"ə 3:0 hesabı ilə qalib gəlib. Tura sabah keçiriləcək "Qəbələ" - "Keşlə" və "Zirə" - "Sabah" matçları ilə yekun vurulacaq.


Ukrayna Premyer Liqasının XIV turunda bu gün keçirilməli olan "Kolos” – "Şaxtyor” matçı təxirə salınıb.

Gununsesi.info Donetsk klubunun rəsmi saytına istinadən xəbər verir ki, əlverişsiz hava şəraiti səbəbindən oyunun vaxtı dəyişdirilib.

Qarşılaşma fevralın 14-də oynanılacaq.

Qeyd edək ki, hazırda "Şaxtyor” 29 xalla ikinci, "Kolos” isə 18 xalla altıncıdır.


 
 


 

Türkiyənin "Fənərbağça" klubu futbolçu Mesut Özilin transferi üçün azarkeşlərin köməyi ilə pul toplamağı planlaşdırır.

Bu barədə klub prezidenti Ali Koç açıqlama verib. O, "Mesut Ol" kampaniyası başlatdıqlarını diqqətə çatdırıb: "Ən azı bir sms rica edirəm. Telefonu olmayan uşaqlar ata-analarından sms göndərmələrini istəsinlər".

"Fənərbağça" fanatları "Mesut Ol" kampaniyasına böyük maraq göstəriblər. Onlar MESUTOL yazaraq, 1907-yə 20 dəqiqə ərzində 35 000 sms göndəriblər. Bu qədər qısa mesaj qarşılığında 700 000 türk lirəsi (160 494 manat) yığılıb. Bu yolla 2 milyon avro pul toplanılması nəzərdə tutulub. Klub Özilin formasının satışından da pul qazanmaq niyyətindədir.

Qeyd edək ki, hazırda "Fənərbağça"nın borcu 520 milyon avrodur. Mesut Özillə 2023-cü ilədək rəsmi müqavilə bağlanılacaq.

 
 


 

Azərbaycan Premyer Liqasında qış fasiləsi başa çatıb.

Apasport.az saytının məlumatına görə, mövsümün ikinci hissəsi XIV turun matçları ilə başlayıb.

İlk oyun gününün bütün qarşılaşmaları Bakıda keçirilib. Çempionatın liderləri turu qələbə ilə başa vurub.

2021-ci ilin ilk qoluna Əfran İsmayılov imza atıb. "Səbail”in futbolçusu "Neftçi” ilə qarşılaşmada hesabı açsa da, "ağ-qaralar” üç qol vuraraq 3 xalı bayram edib. Samir Abasovun yetirmələri bu qələbə ilə zirvədəki yerini qoruyub.

"Qəbələ”ni qəbul edən "Zirə” də günü 3 xalla tamamlayıb. Rəşad Sadıqovun yetirmələri hər hissədə bir qol vurmaqla istəyinə çatıblar.

Son çempion "Qarabağ” autsayder "Sabah”ın qonağı olub. Qurban Qurbanovun yetirmələri erkən qolla hesabı açıb. Fasilədən sonra meydan sahibləri bərabərlik qoluna imza atsa da, Mahir Emreli komandasının xal itkisindən xilas edib. O, vurduğu qolla bombardirlər yarışında da zirvəyə şərik çıxıb.

Qeyd edək ki, tura sabah keçiriləcək "Keşlə” – "Sumqayıt” matçı ilə yekun vurulacaq.

Azərbaycan Premyer Liqası
XIV tur 
21 yanvar (cümə axşamı)
16:00. "Zirə”– "Qəbələ” - 2:0
Qollar: Musa Qurbanlı, 45, Davit Volkov, 90+3
Hakimlər: Orxan Məmmədov, Qəzənfər Məmmədov, Nahid Əliyev, Səbuhi Bayramov
"Zirə”: 1. Mateus Albino, 8. İlkin Muradov, 4. Elvin Camalov (k), 2. Sərtan Taşkın, 32. Qismət Alıyev, 30. Riçard Almeyda, 9. Davit Volkov, 11. Klesio Bauk, 12. Lazar Corceviç, 29. Musa Qurbanlı, 77. Cəlal Hüseynov
Ehtiyat oyunçular: 22. Rəşad Əzizli, 62. Abdulla Seyidəhmədov, 91. Ruslan Qurbanov, 13. Şəhriyar Rəhimov, 5. Kərim Diniyev, 3. Ali Sisey, 7. Tural Bayramlı, 21. Hacıağa Hacılı, 20. Əli Şirinov, 27. Tamerlan Burcəliyev, 6. Ayxan Süleymanlı
Baş məşqçi: Rəşad Sadıqov
"Qəbələ”: 1. Anar Nəzirov (k), 70. Ülvi İsgəndərov, 14. Cavid Hüseynov, 77. Merab Qiqauri, 32. Nikolas Raysel, 13. Yurgen Qoxa, 26. Stefan Vukçeviç, 2. Vinko Medimoreç, 23. Rafael Utriq, 55. İdris İnqilablı, 71. Rüfət Əhmədov
Ehtiyat oyunçular: 94. Tərlan Əhmədli, 5. Rasim Ramaldanov, 74. Yusif Nəbiyev, 28. Murad Musayev, 4. Sadiq Quliyev, 7. Roman Hüseynov, 9. Ehtiram Şahverdiyev, 99. Ceyms Adeniyi, 10. Rövlan Muradov, 17. Yaovi Akakpo, 20. Faiq Hacıyev
Baş məşqçi: Elmar Baxşıyev
Zirə İdman Kompleksinin stadionu
 
16:00. "Səbail” – "Neftçi” - 1:3
Qollar: Əfran İsmayılov, 28 (pen.) - Sabir Buqrin, 45, 90, Emin Mahmudov, 51
Hakimlər: Kamal Umudlu, Cavanşir Yusifov, Müslüm Əliyev, İnqilab Məmmədov
"Səbail”: 96. Nikolas Hagen, 5. Vüqar Bəybalayev, 14. Rahid Əmirquliyev (k), 34. Urfan Abbasov, 55. Adil Nağıyev, 11. Rauf Əliyev, 22. Əfran İsmayılov, 27. Hendrik Ekşteyn, 16. Peyman Keşavarzi, 9. Florian Kadriu, 3. Turan Manafov
Ehtiyat oyunçular: 25. Elxan Əhmədov, 1. Kamran Ağayev, 26. Kamal Qurbanov, 17. Elçin Rəhimli, 7. Mirsahib Abbasov, 28. Məqsəd İsayev, 29. Amil Yunanov, 19. Luka İmnadze, 20. Ruslan Hacıyev, 99. Bahadur Həziyev, 77. Ədilxan Qarəhmədov, 44. Şamil Cəfərov
Baş məşqçi: Aftandil Hacıyev
"Neftçi”: 30. Aqil Məmmədov, 8. Emin Mahmudov (k), 22. Mirabdulla Abbasov, 19. Fəhmin Muradbəyli, 3. Mamadu Mbodj, 36. Mamadu Kane, 6. Voyislav Stankoviç, 91. Tallison Diaz, 29. Sabir Buqrin, 17. Bruno Teluşi, 20. Mert Çelik
Ehtiyat oyunçular: 1. Səlahət Ağayev, 12. Kamran İbrahimov, 28. Stiven Monroz, 10. Saman Nərimancahan, 5. Anton Krivotsyuk, 26. Ömər Buludov, 4. Rener Alves, 80. İsmayıl Zülfüqarlı, 72. Emin Zamanov, 56. Elton Əlibəyli, 70. Asim Əlizadə, 37. Vüsal Əsgərov
Baş məşqçi: Samir Abasov
"ASCO Arena”
 
18:00. "Sabah” – "Qarabağ” - 1:2
Qollar: Kevin Kubemba, 60 - Rahil Məmmədov, 8, Mahir Emreli, 73
Hakimlər: Vüqar Həsənli, Pərvin Talıbov, Cəmil Quliyev, Namiq Bəkirov
"Sabah”: 12. Alvaro Villete, 14. Slavik Alxasov, 10. Aleksey İsayev, 34. Bəxtiyar Həsənalızadə, 13. Filip İvanoviç (k), 23. Amadu Diallo, 28. Kevin Kubemba, 30. Mario Marina, 26. Fofana Tiemoko, 2. Amin Seydiyev, 6. Şakir Seyidov
Ehtiyat oyunçular: 94. Nicat Mehbalıyev, 31. Rustam Samiqullin, 8. Elşən Abdullayev, 19. Təmkin Xəlilzadə, 7. Coşqun Diniyev, 17. Məhəmməd Mirzəbəyov, 90. Ramil Şeydayev, 9. Xulio Sezar Rodriqez, 38. Arsen Ağcabəyov, 77. Veysəl Rzayev
Baş məşqçi: Visente Qomez
"Qarabağ”: 1. Şahruddin Məhəmmədəliyev, 5. Maksim Medvedev (k), 2. Qara Qarayev, 55. Bədavi Hüseynov, 11. Mahir Emreli, 30. Abbas Hüseynov, 4. Rahil Məmmədov, 10. Abdullah Zubir, 7. Kvabena Ovusu, 6. Patrik Andrade, 18. İsmayıl İbrahimli
Ehtiyat oyunçular: 12. Emil Balayev, 94. Ayhan Arazlı, 9. Xayme Romero, 8. Uroş Matiç, 27. Toral Bayramov, 66. Cavid Bayramov, 21. Rauf Hüseynli, 99. Hüseyn Hüseynzadə, 29. Zamiq Əliyev
Baş məşqçi: Qurban Qurbanov
"Bank Respublika Arena”

1

Neftçi

14

8

3

3

18-15

27

2

Qarabağ

13

7

5

1

33-11

26

3

Zirə

14

6

5

3

18-14

23

4

Sumqayıt

13

4

4

5

16-20

16

5

Qəbələ

14

3

6

5

13-22

15

6

Səbail

13

3

4

6

15-19

13

7

Keşlə

13

3

4

6

13-20

13

8

Sabah

14

Ətraflı
Axtarış
Xəbər lenti
Reklam