Ölkə başçısı bir müddət əvvəl demişdi ki, icra başçısının fəaliyyətinə həmin rayona qoyulan investisiyaya əsasən qiymət verəcək. İnvestisiyaların qoyulması həm də yeni iş yerlərinin açılması deməkdir. Hesab edirəm ki, bəzi icra başçıları bu işlərin öhdəsindən gələ bilmir.

Bunu  deputat Vahid Əhmədov Prezident İlham Əliyevin avqustun 24-də Faiq Qürbətovu Biləsuvar Rayon İcra Hakimiyyətinin, Elmir Bağırovu isə Saatlı Rayon İcra Hakimiyyətinin başçısı vəzifələrinə təyin olunmaları ilə əlaqədar videoformatda qəbul edən zaman səsləndirdiyi fikirləri şərh edərkən deyib.

Deputat bildirib ki, Prezidentin icra başçılarına tövsiyələri çox önəmlidir:

"Hazırda ölkədə çox ciddi kadr islahatları həyata keçirilir, bir sıra icra başçıları, adı korrupsiya hallarında keçən məmurlar həbs edilir. Ölkə rəhbəri yeni təyin etdiyi icra başçılarına öz tövsiyələrini verib xəbərdarlıq edir ki, təmiz işləyin, sakinlərlə əlaqə saxlayın. Prezident icra başçılarına deyir ki, bütün kəndləri gəzin, əhalinin dərd-sərini öyrənin ki, problem yaranmasın. Bu cür tövsiyələrin verilməsinə əsas səbəb Azərbaycanda yeni bir dönəmin başladılmasıdır. Yəni bunlar rüşvətin, korrupsiyanın kökünü kəsmək üçün atılan addımlardır”.

Deputatın fikrincə, gənc icra başçıları Nazirlər Kabineti və Milli Məclislə birgə işləməlidirlər:

"Düşünürəm ki, onlar rayonlarda əldə etdikləri məlumatları mərkəzi icra orqanlarına çatdırmalıdırlar. Bu, böyük əhəmiyyət kəsb edir və ciddi məsələdir. Ola bilsin ki, gənc kadrların böyük təcrübələri yoxdur, lakin yavaş-yavaş öyrənəcəklər. Əsas odur, ölkə başçısının verdiyi tövsiyələri yerinə yetirsinlər. Yəni rüşvət və korrupsiya ilə məşğul olmasınlar. Daha çox insaların tələblərinə uyğun hərəkət eləsinlər. Artıq Azərbaycanda ciddi kadr dəyişiklikləri gedir, qanunların həyata keçirilməsi üçün mühüm addımlar atılır. İcra başçıları da bu işə öz töhfələrini verə bilərlər”.

 
 


 

Azərbaycan Sahibkarlar Konfederasiyası (ASK) ilə İqtisadiyyat Nazirliyi yanında Antiinhisar və İstehlak Bazarlarına Nəzarət Dövlət Xidməti (AİBNDX) arasında görüş keçirilib. Görüş Dövlət Xidməti ilə əməkdaşlıq imkanlarının genişləndirilməsi, sahibkarların maarifləndirilməsi və digər məsələlərin müzakirə edilməsi məqsədini daşıyıb.

Video-konfrans formatında keçirilən görüşdə sahibkarları maraqlandıran məsələlərə toxunulub. Dövlət satınalmaları sahəsində şəffaflığın təmin edilməsi, sahibkarlar üçün satınalmalar prosesində bərabər imkanların yaradılması, istehlakçıların hüquqlarının daha etibarlı müdafiəsi, istehlak bazarına nəzarət, süni qiymət artımı ilə mübarizə, haqsız rəqabətin qarşısının alınması, standartlaşdırma, metreologiya və s. istiqamətlərdə qanunvericiliklə müəyyən edilmiş kompleks tədbirlərin görüldüyü vurğulanıb. Bildirilib ki, yeni normativ hüquqi sənədlərin hazırlanması və bəzi qanunların təkmilləşdirilməsi üzərində ciddi işlər aparılır.

Görüşdə qurumlar arasında İkitərəfli Əməkdaşlıq Şurasının yaradılması təklif edilib və bu məsələnin müzakirə edilməsi qərara alınıb.

 

Masallıda suvarma işinin təşkili yüksək səviyyədədir – foto

 

 

Xüsusi olaraq vurğulamaq istəyirəm ki, ulu öndər Heydər Əliyev meliorasiya və suvarma işinə məxsusi həssaslıqla yanaşır, bu sahədə mövcud problemlərin həlli üçün ən kəskin və qətiyyətli addımları atır, bu vacib sahənin əhəmiyyətini hamıya hiss etdirirdi.

Bu sahənin əməkdaşları üçün ikiqat fərəhlidir ki, möhtərəm Prezidentimiz, ulu öndərin layiqli davamçısı İlham Əliyev də suvarmanın əhəmiyyətini önə çəkir və bu sahənin inkişafı üçün hər cür kömək göstərir.Yəqin ki, statistika həvəskarları maraqlansalar, yaxın keçmişə müraciət etsələr, görərlər ki, ulu öndərin 1969-cu ildə hakimiyyətə gəlişindən sonra yüz minlərlə hektar ölü torpaq sahələri yenidən "canlanıb”, yenidən bar-bərəkət yetirən müqəddəs bir nemətə çevrilib.

Masallı əhalisi suvarma işinin nə demək olduğunu digər bölgələrdən, xüsusilə də, təbiəti mülayim bölgələrdən daha yaxşı bilirlər.

Masallı rayonunun özünəməxsus iqlimi var — qışı çox sərt keçməsə də, yayının istisinə, necə deyərlər, sözolabilməz.Həmişə torpaqla "ünsiyyətdə” olan, ruzisini torpaqdan çıxaran masallılılar işin azından, çoxundan, havanın isti-soyuğundan qorxmurlar.Bircə nigarançılıqları əkdikləri sahələrin vaxtında suvarılması sarıdandır.

Məhz Mahir müəllimin Masallı Rayon Suvarma Sistemləri İdarəsinə rəhbərli etdiyi dönəmdən bu yana sakinlər üçün son illər bu barədə də hər şey qaydasındadır.

Bu gün zənnimcə hamı bilir ki, torpaqla bağlı insanların əməklərinin, əziyyətlərinin hədər getməməsi, çəkdikləri zəhmətin bəhrəsini görmələri Mahir müəllimin fəaliyyəti ilə sıx əlaqəlidir.Bu da sözsüz ki, bir rəbər kimi onun məsuliyyətini ikiqat artırır, daha da yaxşı işləməyə sövq edir.

Ulu öndər Heydər Əliyevin məşhur sözü var: "İqtisadiyyatı güclü olan ölkə hər şeyə qadirdir”.Bizdə də belədir – torpağı normal suvarılan fermer, kəndli, bir sözlə, torpaq adamı torpaqdan hər cür nemət, məhsul götürməyə və rəvan həyat qurmağa qadirdir.

Uğurlarınız bol olsun, Mahir müəllim!

 

"aztv.news”

Seymur Məmmədov


 
 


 

Tezliklə Əmək və Əhalinin Sosial Müdafiəsi Nazirliyi və "MTV Azərbaycan”ın birgə təşəbbüsü ilə yeni "Bərabərik” adlı layihəsinə başlanacaq.

Nazirlikdən verilən məlumata görə, layihə "MTV Azərbaycan”da istedadlı və gözəl səsə malik əlilliyi olan şəxslərlə bir sıra tanınmış müğənnilərin birgə ifalarının yer aldığı silsilə verilişləri əhatə edir.

Məqsəd əlilliyi olan şəxslərin timsalında əlilliyin heç də həyat eşqinə, istedad və bacarıqlara, öz arzularına doğru inamla addımlamağa əngəl olmadığını cəmiyyətə aşılamaqdır.

Əlillik onların istedadlarına, yaşayıb-yaratmaq əzminə mane ola bilməyib, əksinə, onları daha da ilhamlandıraraq, bu layihənin ərsəyə gəlməsinə kömək edib.

 
 


 

Bu ilin yanvar-iyul aylarında Azərbaycanda informasiya və rabitə sahəsində fəaliyyət göstərən müəssisələr tərəfindən göstərilmiş xidmətlərin dəyəri real ifadədə ötən ilin eyni dövrü ilə müqayisədə 3% artaraq 1 232,1 milyon manata yüksəlib ki, onun da 72%-i əhali tərəfindən istehlak olunub.

Bu barədə Dövlət Statistika Komitəsinə istinadən xəbər verir.

Məlumata görə, hesabat dövründə bu sahədə əldə edilmiş gəlirin 80,3%-i qeyri-dövlət sektorunun payına düşüb. Xidmətlərdən əldə edilən gəlirin 42%-i və ya 517,3 milyon manatı mobil telefon rabitəsi sahəsində formalaşıb.

 
 


 

Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyi və Almaniya Beynəlxalq Əməkdaşlıq Cəmiyyətinin əməkdaşlığı çərçivəsində özünüməşğulluq proqramının Ağdam və Bərdə rayonlarındakı iştirakçıları da Cəmiyyətin təşkil etdiyi texniki təlimlərdə iştirak edə biləcək.

"Qafqazda Aztəminatlı Məcburi Köçkünlərin və Yerli Əhalinin Sosial və İqtisadı İnkişafı” layihəsi çərçivəsində keçiriləcək təlimlərdə heyvandarlıq və quşçuluq təsərrüfatlarının inkişaf etdirilməsinə dair bilik və bacarıqlar aşılanacaq.

Məqsəd iştirakçılara, o cümlədən özünüməşğulluq proqramı çərçivəsində verilmiş aktivlər hesabına heyvandarlıq və quşçuluq təsərrüfatları yaratmış şəxslərə bizneslərini inkişaf etdirməkdə dəstək verməkdir.

İştirakçılara 24 gün nəzəri, 8 gün praktik sahə təlimləri keçiriləcək.

Nəzəri təlimlər onlayn, sahə təlimləri isə karantin qaydalarına (maskalardan və qoruyucu vasitələrdən istifadə, sosial məsafənin saxlanması) əməl olunmaqla təşkil ediləcək.

Təlimlərə qoşulmaq istəyən Ağdam və Bərdə rayonları üzrə özünüməşğulluq proqramı iştirakçıları (proqramın dəstəyi ilə heyvandarlıq və quşçuluq təsərrüfatları yaratmış şəxslər) sentyabrın 1-ə qədər müvafiq Ərazi Məşğulluq Mərkəzinə müraciət edə bilərlər.

 
 


 

Əmək və Əhalinin Sosial Müdafiəsi Nazirliyinin tabeliyindəki Sosial Xidmətlər Agentliyinin Həssas əhali qruplarından olan şəxslər üçün Sığınacaq və Sosial Reabilitasiya Müəssisəsinə bu il 150 nəfər qəbul olunub.

Onlardan 11-nəfəri 18 yaşadək uşaqlar, 139-nəfəri 18 yaşdan yuxarı olanlardır. Həmin şəxslər yaş qruplarına uyğun müəssisənin müvafiq bölmələrinə qəbul ediliblər.

Mart ayından pandemiya ilə əlaqədar müəssisəyə birbaşa qəbul aparılmadığından, qəbul ediləcək şəxslər əvvəlcə müəssisənin ərazisindəki karantin bölməsinə yerləşdirilirlər. Müasir tələblərə uyğun şəraitin yaradıldığı bölmədə 14 gün ərzində xüsusi geyimlə, qoruyucu vasitələrlə, qida və s. ilə təmin edilirlər və mütəmadi müayinələri aparılır. Bu müddətdə onlarda koronavirusa yoluxma aşkar edilmədikdə, Sığınacaq və Sosial Reabilitasiya Müəssisəsinə qəbul olunurlar.

Hazırda Həssas əhali qruplarından olan şəxslər üçün Sığınacaq və Sosial Reabilitasiya Müəssisəsində 56 nəfər yaşayır. Onların normal həyat tərzinə sahib olmaları, cəmiyyətin digər üzvləri ilə yanaşı addımlaya bilmələri, əmək qabiliyyətli olanların əmək bazarına dönüşü və s. üçün də işlər aparılır.

 
 


 

Azərbaycan Respublikasının Prezidenti İlham Əliyev avqustun 21-də 1000 meqavat yükötürmə gücü olan 330/220/110 kilovoltluq "Qobu” yarımstansiyasının tikintisi ilə tanış olub.

Dövlətimizin başçısı, həmçinin 385 meqavatlıq "Qobu” Elektrik Stansiyasının təməlini qoyub.


Vahid Əhmədov: "Yenə də insanları incidir, sahibkarlarla normal münasibətlər qura bilmirlər”

"DTX və Baş Prokurorluğun həyata keçirdiyi əməliyyatlar korrupsiyaya qarşı mübarizə baxımından mühüm önəm kəsb edir”


 

Artıq bir neçə aydır ki, DTX və Baş Prokurorluq rüşvət və korrupsiyaya qarşı mübarizə fonunda ciddi addımlar atmaqda, bu problemin həllinə önəmli töhfələr verməkdədir. Son olaraq Kürdəmir Rayon İcra Hakimiyyətində həyata keçirilən həbslər dövlətimizin bu məsələdə kifayət qədər prinsipiallıq sərgilədiyini, rüşvət və korrupsiyaya qarşı ardıcıl mübarizə apardığını göstərir.

 

Bəs rayon icra hakimiyyətlərində həyata keçirilən bu həbslər əyalətlərdə iqtisadi-biznes mühiti üçün əlverişli şəraitin yaradılması, sahibkarların fəaliyyəti üçün daha optimal situasiyanın yaradılmasına da təsir göstərəcəkmi?

 

Moderator.az-a açıqlama verən millət vəkili Vahid Əhmədov rüşvət və korrupsiyaya qarşı mübarizənin olduqca zəruri olduğunu vurğuladı:

 

"Rüşvət və korrupsiya ölkəmiz üçün hələ də bu bir bəla olaraq qalır. Artıq altıncı icra başçısıdır ki, həbs olunub. Aparılan həsblər insanlara müəyyən qədər öz müsbət təsirini göstərir. Amma hələ ki, bu həbslər fonunda rayonlarda iqtisadi durumun, biznes mühitinin yaxşılaşdığını deyə bilmərik. Icra başçılaırnmın əksəriyyəti yenə də öz köhnə əməllərindən əl çəkmirlər. Yenə insanları incidir, sahibkarlarla normal münasibətlər qura bilmirlər. Sahibkarlığın inkişafı üçün rayonlarda yenə də müəyyən maneələr var. Çünki biz bununla bağlı müəyyən məlumatlar, informasiyalar əldə edir, məktublar alırıq.

 

Ölkəmizdə son dövrlər çox ciddi islahatlar həyata keçirilir ki, bunlardan biri də rüşvət və korrupsiya ilə mübarizədir. İnsanlarımız bilməlidir ki, bundan sonra da rüşvət və korrupsiyanın qarşısını almaq üçün ciddi addımlar atılacaq.

 

Hesab edirəm ki, bu kimi addımlar zamanla sahibkarlar üçün daha əlverişli mühitin yaradılmasına kömək edəcək. Çünki bu gün mərkəzi icra orqanlaırnda da rüşvət və korrupsiyaya qarşı mübarizə məqsədi ilə önəmli addımlar atılır. Burada da həbslər var. Bu problem öz həllini tapmalıdır ki, sahibakrların normal fəaliyyəti üçün lazımi şərait formalaşsın. Bu baxımdan həm DTX-nın, həm də Baş Prokurorluğun həyata keçirdiyi əməliyyatlar korrupsiyaya qarşı mübarizə baxımından mühüm önəm kəsb edir”.


 
 


 

Şirkətlər müştərilərini hava nəqliyyatında koronavirusa qarşı görülən tədbirlərin etibarlılığına inandırmağa çalışsalar da, məlumatlar uçuşların keçən ilə nisbətən 85 faiz azaldığından xəbər verir.

Anketlər insanların hava səyahətlərinə getdikcə şübhə ilə yanaşdıqlarını açıq şəkildə göstərir.

Avropadakı 500-dən çox hava limanında hava nəqliyyatı iyun ayında keçən ilin eyni dövrü ilə müqayisədə, 94 faiz azalıb. 

2019-cu ilin iyununda Avropada 217 milyon sərnişinlə müqayisədə, bu il yalnız dörd milyon sərnişin var.

Hava yolu sənayesindən alınan məlumatlara görə, dünya miqyasında hava nəqliyyatı əvvəlki ilə görə ümumilikdə 85 faiz azalıb.

"Hava səfəri təhlükəsiz deyil”

ABŞ-da yerləşən İstehlak Hesabatları Təşkilatının iyun ayında mindən çox insanın iştirak etdiyi sorğuda respondentlərin 70 faizi hava səyahətinin təhlükəsiz olmadığını söyləyib. Digər bir araşdırma, sərnişinlərin ən böyük narahatlığının, yoluxmuş başqa bir sərnişinin yanında oturma ehtimalının olmasıdır.

ABŞ Xəstəliklərə Nəzarət və Profilaktika Mərkəzi bildirir ki, iki metrdən az məsafədə olan digər sərnişinlə yanaşı oturmaq, saatlarla davam edən səyahətlərdə COVID-19-a yoluxma riskini artıra bilər. Bununla yanaşı, mərkəzə görə, təyyarələrdə hava dövranı sistemi virusun yayılmasını çətinləşdirir.

Kredit reytinq agentliyi "Standard & Poor's” bu il hava nəqliyyatının 70 faiz azalması ilə birlikdə sektorun gözləntilərinin getdikcə daha da pisləşəcəyini bildirib.
Axtarış
Xəbər lenti
Reklam