Son vaxtlar qızılın qiymətində ciddi artımlar müşahidə olunur. Qızıl qiymətindəki sürətli dəyişiklik bu həftə də davam edib. Belə ki, qızılın bir unsiyasının qiyməti 2 min 33 dollara çatıb.

Milli Məclisin deputatı, iqtisadçı-ekspert Vüqar Bayramov Teleqraf.com-a bildirib ki, qızılın qiymətinin artımı gözlənilən idi:

"Çünki qlobal iqtisadiyyatda qeyri-müəyyənlik var. Eləcə də bir sıra strateji məhsullar bazarında volonterlik riski olduğuna görə, qlobal böhran baş verən hallarda investorlar daha çox qızıl bazarına investisiya etməkdə maraqlı olur. Təbii ki, bu investisiyanın artması da qızılın qiymətinə təsir göstərir. Son 1 ildə qızıl qiymətində təxminən 25 faiz artımlar olub. Artıq 1 qramı 63 dollara satılır ki, bu da son illərin ən yüksək qiymət göstəricisidir. Son 1 və 6 aylıq yekunlara diqqət yetirsək qızılın qiymətində ikirəqəmli artım var. Bu da ondan xəbər verir ki, qızıla yönəldilən investisiya həcminin artması bu metalın dəyərini hiss ediləcək dərəcədə yüksəlməsinə gətirib çıxarır”.

Analitikik fikrincə, pandemiya fonunda artım tendensiyası davam edəcək:

"Daha öncə də proqnozlaşdırmışdıq ki, xüsusilə pandemiyanın davam etdiyi aylarda qızılın qiymətində artımlar müşahidə olunacaq. Çünki valyuta bazarında volonterlik yüksəkdir. ABŞ dollarının məzənnəsində də digər valyutalara nisbətən azalmalar var. Bu da təbii ki, valyuta bazarına və eləcə də qızıla olan tələbə birbaşa təsir göstərir”.

Vüqar Bayramovun sözlərinə görə, Azərbaycan qızıla olan tələbin təxminən 90 faizindən çoxunu idxal hesabına ödəyir:

"Ölkəmizin əsas qızıl ixrac etdiyi ölkələr – İtaliya, Birləşmiş Ərəb Əmirlikləri, Rusiya və Türkiyədir. Dünya bazarında artımlar baş verdikcə, nəticədə həmin ölkələrdən idxal etdiyimiz qızılın xərci də artır. Bundan əlavə, toy mərasimləri keçirilməsə də vətəndaşlarımızın bir qismi qızılla yığıma üstünlük verdiyi üçün qiymətdə artımlar müşahidə olunur. Buna görə də Azərbaycanın qızıl bazarında qiymət artımları müşahidə olunur. Ümumilikdə pandemiya başlayandan sonra ölkəmizdə qızılın qiyməti təxminən 15 faiz artıb”.

Ekspert deyir ki, qızıl bazarındakı stabillik pandemiyanın müddətindən asılı olacaq: "Pandemiya davam edəcəyi halda investorların qızıla olan tələbinin artacağı gözlənilir. Amma pandemiyanın azalması və ya post-pandemiya dövrünə hər hansı bir nikbinlik yaranarsa, o zaman investorların öz vəsaitlərini qızıl bazarından çəkməsini müşahidə edə bilərik. Bu halda qızılın qiymətinin stabilləşməsi mümkün olar. Amma hələlik pandemiya qızıla olan tələbi artırmaqda davam edir”.

İqtisadçının qənatincə, qızılın qiyməti valyuta bazarına təzyiq yaratmır:

"Əslində valyuta bazarında olan investorların bir çoxu öz vəsaitlərini çəkərək qızıla yönəldir. Həmçinin valyutaların məzənnəsinin qızıl bazarı arasında birbaşa əlaqə olmadığı üçün bu, valyuta bazarına təzyiq yaratmır. Adətən investorlar tələb artan bazara investisiya yönəldirlər. Bu da təbii ki, bazarların əsas şərtlərindədir. Qızıl bazarı nisbətən stabil bazardır. Bu baxımdan investorların bu qərarları gözləniləndir”.

 
 


 

Prezident İlham Əliyev Azərbaycan Televiziyasına (AzTV) müsahibə verib.

Müsahibənin bu gün yayımlanacağı gözlənilir.

Qeyd edək ki, Azərbaycan Respublikasının Prezidenti İlham Əliyev avqustun 10-da Heydər Əliyev adına Bakı dərin özüllər zavodunda "Qarabağ” yatağının dayaq blokunun dənizə yola salınması mərasimində iştirak edib. Bu dayaq bloku SOCAR-ın "BOS Şelf” şirkəti tərəfindən Heydər Əliyev adına Bakı dərin özüllər zavodunda tikilib. Qurğu neft-qaz kəşfiyyatı və hasilatı üçün nəzərdə tutulur.


 

Məlum olduğu kimi, pandemiya ilə əlaqədar olaraq ölkəmizdə iqtsiadi artım tempinin səngiməsi müşahidə olunur.

 

Maraqlıdır, iqtisadi artım tempinin səngiməsi ölkə iqtisadiyyatına nə vəd edir? Digər ölkələrlə müqayisədə Azərbaycanda bu sahədə vəziyyət nə dərəcədə qənaətbəxşdir?

 

Millət vəkili Vahid Əhmədov digər ölkələrlə müqayisədə Azərbaycanda vəziyyətin daha qənaətbəxş olduğunu söylədi:

 

"Birinci yarımildə ümumdaxili məhsulda 2,5% azalma var. İlin axırına qədər bu rəqəmin 5%-ə qədər olması gözlənilir. Lakin elə dövlətlər var ki , pandemiya və neftin qiymətindəki azalma ilə bağlı bu rəqəm 10%-dən çoxdur. Ölkəmizdə iqtsiadi artım tempini yüksəltmək üçün gərəkli addımlar atılır.

 

Bu gündən etibarən bəzi xidmət sahələrinin də açılması nəzərdə tutulur. Çünki yoluxanların sayında azalma gedir. Xidmət sahələri açılmalı, insanlar işləməlidir. Vətəndaşlar işləməlidir ki, həm dövlət büdcəsinə əlavə gəlir gəlsin, həm də insanlar müəyyən məvacib ala bilsinlər. Bu baxımdan yumşaldılmaların davam etdirilməsi doğru addımdır”.


 
"Ölkə başçımıza bu sahədə məmurların köməyi lazımdır, amma onlar bunu etmirlər...”


 

"İnsanlara kömək göstərmək dövlətin humanist addımıdır, biz bunu yüksək qiymətləndiririk, amma biz elə edə bilərdik ki, o kəndlinin 190 manata ehtiyacı olmasın”

Bunu  açıqlamasında sosioloq Əhməd Qəşəmoğlu deyib. Sosioloq karantin dövründə kənd təsərrüfatı mallarının rayonlardan Bakıya daşınması üçün müəyyən bir şəbəkə qurulmasının vacibliyini vurğulayıb: 

"Növbəti dəfə 190 manat birdəfəlik ödəmənin verilməsi müsbət haldır, bir çox insanlarımızın buna ehtiyacı var. Amma dörd aydır bir neçə müsahibəmdə deyirəm, heç reaksiya verən yoxdur. İnsanlara kömək göstərmək dövlətin humanist addımıdır, biz bunu yüksək qiymətləndiririk, amma biz elə edə bilərdik ki, o kəndlinin 190 manata ehtiyacı olmasın. Ölkə başçımıza bu sahədə məmurların köməyi lazımdır, amma onlar bunu etmirlər. Məsələn, dövlət büdcəsindən bir qəpik xərcləmədən rayonlardan kənd təsərrüfatı məhsullarını müəyyən bir şəbəkə yaradaraq Bakıya daşıyardıq. Onda həm Bakı camaatı bahalı meyvələrə baxa-baxa qalmazdı, çünki çox az adamın imkanı var ki, bahalı meyvə alsın. Bununla yanaşı, evdə qaldığımız vaxt əhalinin ümmuniteti aşağı düşür və bunu qaldırmaq üçün meyvə-tərəvəzdən istifadə edərdilər. Həmçinin işsiz olan bir çox sürücülərlə müqavilə bağlayıb bu işi görmək olardı. Bununla da kəndlinin əlində 190 manatdan qat-qat artıq pul olacaqdı. Çox təəssüflər olsun ki, bunu etmədilər. Bu istiqamətdə iş görülməli idi. Rayondan Bakıya gətirilən məhsulun qarşısını yolda kəsib deyirlər ki, bunu bizə satmalısan. Əslində bu cür şeylərin qarşısı alınmalıdır. İndiki vaxtda əhaliyə dövlətin büdcəsindən bu qədər böyük milyonlar xərcələmkdənsə, o addımı atmağımız daha faydalı olacaqdı. Sözsüz, bunun meyvə biznesi olan oliqarxların büdcəsinə mənfi təsirləri olacaqdı, amma bununla dövlətin büdcəsinə xeyir vermiş olacaqdıq. 
Digər tərəfdən rayonlarda əhaliyə verilən birdəfəlik ödəməylə bağlı bir sistem qurmaq lazım idi. Hər kənddə hamı bilir ki, 10-a qədər ailə çox ağır şəraitdə yaşayır və onların siyahısını əldə etməyə çalışmalıydıq. Təbii ki, bununla bağlı icra strukturları hərətəkə keçməli idi. Amma şahidi oluruq ki, rayonların birində mağazası öz adına olmayan adama 190 manat düşüb. O, adam 190 manat alıb, amma buna heç ehtiyacı da yoxdur. Bu o deməkdir ki, mexanizmin təkmilləşməsinə ehtiyac var. Bunun nəticəsində dövlət büdcəsinə çox böyük zərbə dəyir. Bu məsələləri daha diqqətlə təhlil edib, prezidentimizə kömək etməyə ehtiyac var”.


 
 


 

2020-ci ilin iyul ayında ölkə üzrə gündəlik neft (kondensantla birlikdə) hasilatı 650,1 min barrel olub. Bunun 554,1 min barrelini xam neft, 96 min barrelini isə kondensat təşkil edib. Xam neftin 435,1 min barreli "Azəri-Çıraq-Günəşli”, 119 min barreli isə SOCAR (Azneft” İB, BM və ƏŞ) üzrə hasil edilib.

İqtisadiyyat Nazirliyindən verilən məlumata görə, "OPEC plus” üzrə gündəlik neft hasilatının 2018-ci ilin oktyabr ayı səviyyəsindən 9,7 mln. barrel ixtisarı prosesi çərçivəsində Azərbaycan iyulda sutkada xam neft hasilatını 163,9 min barrel azaldıb. 

"Əməkdaşlıq Bəyannaməsi”nə əsasən, 2018-ci ilin oktyabr ayında gündəlik xam neft hasilatı 718 min barrel olan Azərbaycan cari ilin may-iyun-iyul aylarında xam neft istehsalını sutkada 164 min barrel azaltmaqla 554 min barrel həcmində saxlamalı idi. Öhdəliklərin icrası məqsədilə gündəlik xam neft hasilatı 2018-ci ilin oktyabr ayındakı səviyyələrdən, AÇG-də 567 min barreldən azaldılaraq 434 min barreldə, SOCAR (Azneft” İB, BM və ƏŞ) üzrə isə 151 min barreldən ixtisar edilərək 120 min barrel həcmində saxlanılmalı idi.  

Qeyd edək ki, 12 aprel tarixli "OPEC plus” razılaşmasının gündəlik xam neft hasilatının ümumilikdə 9,7 mln. barrel azaldılması ilə bağlı birinci mərhələsi iyulun 31-də başa çatıb. Razılaşmanın 1 avqust- 31 dekabr tarixlərini əhatə edən ikinci mərhələsində "OPEC plus” ölkələri üzrə gündəlik xam neft hasilatı 2018-ci ilin oktyabr səviyyəsindən 18% az olmaqla 7,7 mln. barrel azaldılacaq. Bu dövrdə Azərbaycan müvafiq olaraq gündəlik xam neft hasilatını 131 min barrel azaldaraq 587 min barrel həcmində saxlamalıdır. Başqa sözlə, bu müddətdə Azərbaycanın gündəlik xam neft hasilatı ilə bağlı məhdudiyyətləri əvvəlki üç ayla müqayisədə 33 min barrel azalacaq. 

 
 


 

«Zaman amili islahatların sürətini, dərinliyini, səmərəliliyini təmin etmək, ölkənin inkişafı, xalqın rifahının yüksəldilməsi istiqamətində qarşıya qoyulmuş vəzifələrin vaxtında icrasına nail olmaq üçün başlıca faktorlardan biridir. Azərbaycanın bu gün dünyanı bürüyən koronavirus infeksiyasına qarşı mübarizədə nümayiş etdirdiyi təkmil təcrübə keçilən yolun təqdimatında əhəmiyyətli rol oynamaqla yanaşı, bu reallığa da işıq salır ki, hər bir ölkənin inkişafında əsas faktor olan iqtisadiyyatın düzgün əsaslar üzərində qurulması, inkişaf konsepsiyasının təkmilliyi hər bir çətinliyi aradan qaldırmaq üçün böyük əsasdır. Müasir müstəqil Azərbaycan dövlətinin qurucusu, ulu öndər Heydər Əliyevin müəllifi olduğu neft strategiyası Azərbaycanın malik olduğu zəngin enerji resurslarından səmərəli istifadəsini təmin etdi. Məhz iqtisadiyyatın inkişafında neft amilinə yüksək dəyər verilməsi Ümummilli Liderin uzaqgörən siyasətinin nəticəsi idi. 2003-cü ildən bəri neft siyasətinin məntiqi davamı olaraq qeyri-neft sektorunun inkişafına, iqtisadiyyatın şaxələndirilməsinə diqqətin artırılması 1999-cu ildə yaradılan Dövlət Neft Fondunun vəsaitlərinin təyinatında şəffaflığın qorunmasına və ədalət prinsipi əsasında bölünməsinə, istiqamətləndirilməsinə yol açdı. Möhtərəm Prezidentimiz İlham Əliyev ölkənin inkişafında neft-qaz amilinin rolunu önə çəkərək bu məqamı da xüsusi qeyd edir ki, əgər inkişaf etmiş ölkələrin təcrübəsinə nəzər salsaq görərik ki, həmin ölkələrin uğurlarının təməlində ideya, fikir, innovasiya, elmi-texniki tərəqqi dayanır. Biz də ölkəmizdə müxtəlif istiqamətlərdə islahatlar apararkən müasirləşməyə üstünlük veririk. Bugünkü uğurlarımıza baxış fonunda bu reallığı böyük inam və fəxrlə qeyd edə bilərik ki, dövlətimizin başçısı İlham Əliyevin həyata keçirdiyi uğurlu siyasət, imzaladığı biri-birindən əhəmiyyətli Fərman və sərəncamlar 10-20 il sonrakı Azərbaycanın sosial-iqtisadi, ictimai-siyasi mənzərəsini formalaşdırır. Möhtərəm Prezidentimizin gələcəyə baxış konsepsiyası çoxşaxəli olduğu qədər də konkret və məqsədyönlüdür.»

Bu fikirləri Yeni Azərbaycan Partiyası Siyasi Şurasının üzvü, «İki sahil» qəzetinin baş redaktoru, siyasi elmlər doktoru Vüqar Rəhimzadə KİV-ə açıqlamasında bildirib.

V.Rəhimzadə qeyd edib ki, malik olduğu enerji resurslarından səmərəli istifadə etmək məqsədilə təşəbbüsçüsü və iştirakçısı olduğu enerji layihələrinin uğurlu sonluqla başa çatması istiqamətində ciddi səylər göstərən Azərbaycan 2017-ci ildə «Yeni əsrin müqaviləsi»ni 2050-ci ilədək uzatmaqla qlobal tranzit marşrutlarını bir neçə onillik sonrakı geoiqtisadi və geosiyasi reallıqlara uyğunlaşdırdı: «Əməkdaşlığın regional çərçivədən çıxararaq coğrafiyasını genişləndirməsi ölkəmizin etibarlı tərəfdaş kimi mövqeyinin möhkəmlənməsinin təqdimatıdır. Pandemiya dövründə keçirilən Şərq Tərəfdaşlığı ölkələrinin videokonfrans formatında Sammitində də Azərbaycanın enerji sektorunda qazandığı uğurlar önə çəkilərək ölkəmizlə Avropa İttifaqı arasında imzalanan «Tərəfdaşlıq prioritetləri» sənədinə diqqət yönəldilmiş və bildirilmişdir ki, Azərbaycan Avropanın enerji təhlükəsizliyinin təminatçısıdır. O da etiraf edilmişdir ki, dövlətimizin başçısı İlham Əliyevin bu gün qəbul etdiyi qərarlar daha çox sabahımız, gələcəyimiz üçündür. Alternativi olmayan islahatlar prosesinin dərinləşməsi fonunda müstəqil Azərbaycanın gələcəyini daha aydın görür, ən əsası beynəlxalq maliyyə qurumlarının hesabatlarında ən islahatçı ölkə kimi möhkəmlənən mövqeyinə hər an yeni əlavələr edəcəyini böyük inam hissi ilə qeyd edirik. Məhz bu uğurlarımıza söykənərək cənab İlham Əliyev bu əminliyi ifadə edir ki, mövcud imkanların vəhdəti Azərbaycanın yaranmış vəziyyətdən az itki ilə çıxacağına böyük əsas verir.»

«Qeyd etdiyimiz kimi, ulu öndər Heydər Əliyevin təşəbbüsü ilə yaradılan Dövlət Neft Fondunun vəsaitlərinin təyinatı üzrə xərclənməsinin nəticəsi olaraq ölkəmizin hərtərəfli inkişafına xidmət edən mühüm sosial-iqtisadi layihələr həyata keçirilir» söyləyən V.Rəhimzadə qeyd edib ki, neft siyasətinin məntiqi davamı kimi qeyri-neft sektorunun inkişafına geniş imkanlar açılıb: «Bu məqamı da xüsusi qeyd etməliyik ki, bu günə qədər ümumi daxil məhsul 3 dəfədən çox artıb. «Azərbaycan 2020: gələcəyə baxış» İnkişaf Konsepsiyasında əksini tapan əsas hədəflərdən biri məhz ümumi daxili məhsulun daha iki dəfə artırılmasına nail olmaq, Azərbaycanı yüksək gəlirli ölkəyə çevirmək, ən əsası inkişaf etmiş ölkələr sırasında addımlamaqdır. Bu gün böyük inamla qeyd edə bilərik ki, bu istəyimiz artıq reallıqdır. Bu gün Azərbaycan dünyanın ən islahatçı, təhlükəsiz, xoşbəxt ölkəsi kimi tanınır, reytinq cədvəlində öncül yerlərdə dayanır.»

V.Rəhimzadə qeyd edib ki, Azərbaycanın iştirakçısı və təşəbbüsçüsü olduğu layihələrin uğurlu icrası nəticəsində dövlət büdcəsinə milyardlarla dollar vəsait daxil olur ki, bu da büdcəmizin sosialyönümlülüyünü artırır, əhalinin sosial müdafiəsinin gücləndirilməsi istiqamətində davamlı addımların atılmasını şərtləndirir: «Pandemiya dövründə heç bir sosial layihənin təxirə salınmaması, əhalinin sosial müdafiəsinin gücləndirilməsi istiqamətində davamlı addımların atılması da möhkəm iqtisadi bazaya və maliyyə imkanlarına əsaslanır. Təkcə cari ilin arxada qalan aylarında sosial rifahın yüksəldilməsi yönümündə atılan addımlara diqqət yetirmək kifayətdir. Ötən il ölkə Prezidenti tərəfindən təsdiqlənən iki sosial paket 4,2 milyon insanı əhatə edib. Cari ilin 6 ayında 1,3 milyon nəfərə yaxın şəxsin pensiyaları üçün 2 milyard 250 milyon manat vəsait sərf olunub ki, bu da 2019-cu ilin müvafiq dövrünə nisbətən 436,51 milyon manat və ya 24,09 faiz çoxdur. Eyni zamanda, 743 min nəfərə sosial müavinət və təqaüd üçün 475 milyon manat vəsait ödənilib ki, bu da 2019-cu ilin müvafiq dövrünə nisbətən 151 milyon manat və ya 46,6 faiz çoxdur. Həmçinin aprel-may aylarında 600 min şəxsə, iyun ayında isə 290 min nəfərə yaxın vətəndaşa aylıq 190 manat birdəfəlik ödəmə olunub.»

V.Rəhimzadə onu da vurğulayıb ki, inkişafın Azərbaycan modelinin bu gün beynəlxalq səviyyədə təqdir olunması, eyni zamanda, əksər dövlətlərin təcrübəmizdən istifadə edərək koronavirusa qarşı mübarizədə qalib olmaq üçün səylər göstərməsi də günümüzün reallıqları sırasındadır: «Mübarizə tədbirlərinə başlandığı gündən 2008-ci ilin maliyyə və iqtisadi böhranı səviyyəsində problemlərin yaşanacağı kimi fikirlərin gündəmdə olduğu zamanlarda Azərbaycan bu reallığı ortaya qoydu ki, məhz həmin dövrdə də ölkəmizin iqtisadiyyatını düzgün əsaslar üzərində qurması dünyanı bürüyən maliyyə və iqtisadi böhranını az hiss etməsi ilə nəticələndi. Ölkəyə investisiya axınının sürətləndirilməsi, əlverişli sərmayə mühitinin yaradılması, nəhəng enerji şirkətlərinin marağını cəlb etmək neft strategiyasının başlıca tələbləri kimi bu gün də aktuallığını qoruyur. Azərbaycanda böyük sahibkarlar sinfi formalaşıb, qeyri-neft sektorunun inkişafını sürətləndirmək üçün regionların malik olduğu potensialdan səmərəli istifadə etmək məqsədilə Dövlət Proqramları uğurla icra edilir. Pandemiya dövründə də möhtərəm Prezidentimizin regionlara ardıcıl səfərləri yeni sosial obyektlərin açılışı və təməlqoyma mərasimlərinin keçirilməsi ilə yadda qalır. Cənab İlham Əliyev hər zaman vətəndaşının yanında olduğunu atdığı addımları ilə təsdiqləyir.»

V.Rəhimzadə bu mühüm məqamı da xüsusi qeyd edib ki, beynəlxalq enerji bazarlarına çıxmaq üçün investisiya layihələrini qətiyyətlə davam etdirən, adı nüfuzlu xarici şirkətlər sırasında çəkilən SOCAR-ın neft siyasətinin uğurla həyata keçirilməsində rolu davamlılığı ilə diqqətdədir: «Əvvəldə də qeyd etdiyimiz kimi, 2018-ci ildə TANAP-ın, həmçinin «Star» neft emalı zavodunun istifadəyə verilməsi bir daha bu reallığı təsdiqlədi ki, SOCAR Türkiyə tarixində ən böyük xarici sərmayəçidir: «Güclü, modern, çevik və rəqabətədavamlı beynəlxalq qurum kimi fəaliyyətini genişləndirən SOCAR-ın xarici ölkələrdə həyata keçirdiyi investisiya layihələri ölkəmizin strateji inkişafına xidmət edir. SOCAR bugünümüzün əsas çağırışları sırasında olan sosial müdafiənin gücləndirilməsi istiqamətində atdığı addımları ilə də diqqətdədir. Dövlətimizin başçısı İlham Əliyevin sərəncamları əsasında təsdiqlənən regional inkişaf proqramları çərçivəsində bölgələrdə müalicə- diaqnostika mərkəzlərinin tikintisində də SOCAR fəal iştirak edir. Bu gün həmin müalicə-diaqnostika mərkəzləri koronavirus xəstələrinin istifadəsindədir. Diaqnostika mərkəzlərində yaradılan şərait, yüksək ixtisaslı həkim heyəti xəstələrin düzgün müayinəsinə və müalicəsinə böyük dəstəkdir. Dövlətimizin başçısı İlham Əliyevin həyata keçirdiyi güclü sosial siyasətin tərkib hissəsi olaraq SOCAR neftçilərin mənzil-məişət şəraitinin yaxşılaşdırılması istiqamətində davamlı addımlar atır. Pandemiya dövründə digər müəssisələrdə olduğu kimi, SOCAR-ın bütün strukturlarında da əməkdaşların heç bir ixtisarına yol verilmədən mərhələli iş prosesinin həyata keçirilməsi ilə əmək haqları ödənilir. Təbii ki, atılan hər bir addım insan amilinə verilən dəyərin dövlət siyasətinin ana xəttini təşkil etməsinin göstəricisidir. Hər bir dövlət qurumu, idarə və müəssisə möhtərəm Prezidentimizin tapşırıqlarına uyğun olaraq öz səylərini daha da artırır, dövlət-vətəndaş birliyinin möhkəmləndirilməsinə öz töhfələrini verir. Bu çətin günlərdə birlik, həmrəylik çağırışları COVID-19-a qarşı mübarizədə qalib olmağın ən vacib şərti kimi önə çəkilir. Azərbaycan təkcə ölkə daxilində deyil, beynəlxalq səviyyədə də atdığı birlik, həmrəylik addımları ilə diqqətdədir.»

Baş redaktor bu ümumiləşdirməni aparıb ki, islahatların zamanın tələbinə uyğun təkmilləşdirilməsi, yeni-yeni hədəflərin gündəmə gətirilməsi qarşıdakı dövrün prioritetlərinə işıq salır. Azərbaycanı inkişaf yoluna çıxaran ulu öndər Heydər Əliyevin müəllifi olduğu neft strategiyası bundan sonra da ölkəmizə möhtəşəm uğurlar qazandıracaq, yeni-yeni layihələrə yol açacaq.

 
 


 

"Sosial dəstək bundan sonra da davam etdiriləcək. Bir daha demək istəyirəm ki, bizim bu xəstəliklə bağlı əsas məqsədimiz insanların sağlamlığıdır. Bununla eyni əhəmiyyət daşıyan insanların sosial vəziyyətidir və biz bunu təmin edirik. Ondan sonra əhəmiyyət baxımından bizim iqtisadi vəziyyətimiz, iqtisadi inkişafımız, iqtisadiyyatın dayanıqlılığı və biznes dairələrinə göstərilən dəstək, postpandemiya dövrünə hazırlıq gəlir. Halbuki heç kim deyə bilməz ki, postpandemiya dövrü nə vaxt başlayacaq. Ümumiyyətlə, hesab edirəm ki, indi proqnoz verməyə heç kim cəsarət etməz. Ancaq hər halda, biz buna da hazır olmalıyıq".

"Qafqazinfo" xəbər verir ki, bu sözləri Prezident İlham Əliyev bugünkü müşavirədə deyib:

Dövlət başçısı bildirib ki, yeni fəaliyyətə başlayan biznes sahələri dövlətin dəstəyini nəzərə alaraq gərək artıq öz gələcək planlarını elə qursunlar ki, ölkənin ümumi iqtisadiyyatında canlanma daha da tez baş versin:

"Mən yenə də qeyd etmək istəyirəm ki, bizim bu sahədə itkilərimiz var. Ancaq bu itkilər daha genişmiqyaslı ola bilərdi. Bizim iqtisadiyyatımız altı ayda cəmi 2,7 faiz aşağı düşüb. Burada, eyni zamanda, neftin qiymətinin aşağı düşməsi də rol oynayıb. Eyni zamanda, OPEC+ çərçivəsində götürdüyümüz öhdəliklər də öz rolunu oynadı. Çünki biz hasilatı ixtisar etdik. İndi bəzi inkişaf etmiş ölkələrdə iqtisadi tənəzzül 10 faiz, 14 faiz, 20 faiz, ondan da çoxdur. Əlbəttə ki, bu ölkələrə baxdıqda bizdə vəziyyət daha yaxşıdır. Ancaq yenə də iqtisadi inkişafımız təmin edilməlidir. Hesab edirəm ki, bu ilin sonuna qədər görüləcək işlər, xüsusilə, sahibkarlıqla bağlı olan işlər, eyni zamanda, dövlət şirkətlərinin idarə edilməsi istiqamətində atılacaq addımlar bu iqtisadi canlanmanı təmin etməlidir, itkiləri azaltmalıdır. Dövlət şirkətlərində itkilər kifayət qədər böyükdür. İndi, baxın, bizim qaz itkiləri, düzdür, son vaxtlar azalıb, ancaq yenə də dözülməz həddədir. Bizim su itkiləri. Su məsələlərinin həlli ilə bağlı xüsusi müşavirə keçirmişdim, Tədbirlər Planı qəbul edilib və artıq icra olunur. Amma itkilər 40-50 faiz səviyyəsindədir. Elektrik xətlərindəki itkilər də, əlbəttə ki, bizi narahat edir. Baxmayaraq ki, son vaxtlar bu sahəyə böyük vəsait qoyulub, müasir infrastruktur yaradılıb, lakin yenə də itkilər var. Amma özəl sektorda əgər itki varsa, bu özəl sektorun subyekti müflisləşir, biznesini bağlayır və heç kim bunun köməyinə gəlmir. Amma dövlət şirkətləri öyrəşiblər ki, onların bütün qüsurları, bütün itkiləri dövlət tərəfindən bağlanacaq. Hətta ölkəmizdə qazlaşdırma dövlət büdcəsi hesabına aparılır. Halbuki bu, Dövlət Neft Şirkətinin bilavasitə vəzifəsidir. Biz bu il dövlət büdcəsində kəndlərin qazlaşdırılması üçün 100 milyon manat vəsait nəzərdə tuturuq. Yaxşı, əgər dövlət bunu edirsə, onda Dövlət Neft Şirkəti nə ilə məşğuldur. Axı, bu, bilavasitə onun işidir, onun vəzifəsidir.

Bütün digər dövlət şirkətlərində vəziyyət ya buna oxşardır, ya bundan pisdir, ya da ki, bir qədər yaxşıdır. Amma fakt odur ki, əgər dövlət şirkətləri normal korporativ idarəetmə əsasında işləməyəcəklərsə, onda biz bu problemlərlə daim üzləşəcəyik. Bundan sonra buna dözmək olmaz. Hesab edirəm ki, dövlət şirkətlərinə ayrılan vəsait o şirkətlərin səmərəliliyi ilə üst-üstə düşmür. Bu qədər vəsait ayrılıb, daha da böyük nəticə əldə olunmalı idi. Ancaq bu, yoxdur. Çünki birinci növbədə onlar tam əmindirlər ki, dövlət həmişə bunların bütün problemlərini öz üzərinə götürəcək, onların götürdükləri və verə bilmədikləri kreditləri öz üzərinə götürəcək, onlara subsidiya verəcək və beləliklə, bunlarda arxayınlıq yaranıbdır".

 
 


 

"Biz təqribən 5 milyona yaxın insanı geniş sosial paketlə əhatə etdik. Dövlət sektorunda çalışan 900 min insanın böyük əksəriyyəti faktiki olaraq işləmir, ancaq dövlət tərəfindən əməkhaqqı alır”.

Bunu Prezident İlham Əliyev bu gün Azərbaycanda koronavirus pandemiyası ilə mübarizə sahəsində görülən tədbirlər və sosial-iqtisadi vəziyyətlə bağlı videoformatda keçirilən müşavirədə çıxışı zamanı deyib.

Azərbaycan Prezidenti bildirib ki, sahibkarlara lazımi maliyyə dəstəyi göstərilib və onların iş yerləri qorunub.

"Əks təqdirdə, 760 min insan işsiz qala bilərdi. Çünki onların çalışdıqları sektorlar pandemiya nəticəsində ən böyük zərər görmüş sektorlardır. Təbii ki, sahibkarlar, işəgötürənlər indi gəlir əldə etmirlər və beləliklə, yüz minlərlə insan işsiz qala bilərdi. Yenə də dövlət operativ tədbirlər nəticəsində dərhal bu məsələyə müdaxilə etdi. Əlbəttə ki, bu məqsədlər üçün böyük maliyyə resursları xərclənibdir.

Altı yüz min işsiz insan, o cümlədən qeyri-formal məşğulluqda fəaliyyət göstərən və müvəqqəti olaraq öz işini itirən, aztəminatlı təbəqəyə aid olan insan dövlət tərəfindən qayğı ilə əhatə olunubdur. Onlara artıq bir neçə ay ərzində 190 manat müavinət verilir. Hesab edirəm ki, bu sosial dəstək bundan sonra da davam etdirilməlidir. Hazırda Azərbaycanın 13 şəhər və rayonunda sərt karantin rejimi tətbiq edilir. Həmin rayonların bu kateqoriyaya aid insanları bu dəstəklə bundan sonra da əhatə olunmalıdır. Sizə göstəriş verirəm ki, avqust ayında da onlara 190 manat ödənilsin”, - deyə Prezident İlham Əliyev vurğulayıb.

 
 


 

Dövlət orqanının və ya hüquqi şəxsin ləğv edilməsi, işçilərin sayı və ya ştatların ixtisar edilməsi əsasında əmək müqaviləsinə xitam verilmiş şəxslər üçün sığorta stajı üç ildən bir ilədək azaldılır.

Bu, Milli Məclisin Əmək və sosial siyasət komitəsinin bü gün keçirilən iclasında birinci oxunuşda müzakirəyə çıxarılacaq "İşsizlikdən sığorta haqqında” qanuna dəyişiklik edilməsi barədə” qanun layihəsinə təklif edilən dəyişiklikdə əksini tapıb.

Dəyişikliyə əsasən, işsizliyin başlanmasından əvvəlki 24 təqvim ayı ərzində 12 təqvim ayından az, lakin ən azı üç il sığorta stajı olan əmək qabiliyyətli şəxslərə bu qanunda nəzərdə tutulan minimum sığorta ödənişi məbləğində pul ödənilir.

Qanuna əsasən minimum sığorta ödənişi müvafiq icra hakimiyyəti orqanı tərəfindən müəyyən edilmiş minimum aylıq əməkhaqqı məbləğinə bərabər tutulur.

Sənəd işsiz şəxslərin sosial müdafiəsinin gücləndirilməsi və işsizlikdən sığorta sisteminin əhatə dairəsinin genişləndirilməsi məqsədilə hazırlanıb.

Layihədə 9 qanuna 20-yə yaxın dəyişiklik təklif edilir.

Layihə komitədə səsə qoyularaq, Milli Məclisin sabah keçiriləcək plenar iclasına tövsiyə edilib.

 
 


 

"Pensiyalar, sosial müavinətlər və digər sosial ödənişlərdə heç bir azalma olmayacaq”.

Bunu Milli Məclisin Əmək və sosial siyasət komitəsinin bugünkü iclasında komitə sədri Musa Quliyev deyib.

O bildirib ki, ölkə Prezidentinin qarşıya qoyduğu vəzifələrdən biri də sosial müdafiəyə ehtiyacı olan insanların müdafiəsini gücləndirməkdir: "Bu sahədə olan proqramlar tam həcmdə həyata keçiriləcək”.

O, Dövlət Sosial Müdafiə Fondunun büdcəsindəki azalmalara da münasibət bildirib: "Bu azalmalara yenidən baxmaq lazımdır. Təbii proseslərlə bağlı gözlənilən azalmaların imkan daxilində nə ilə isə kompensasiya edilməsi doğru olardı”.
Axtarış
Xəbər lenti
Reklam