Elçibəyin və Mütəllibovun ailəsinə daha 343,4 min manat XƏRCLƏNƏCƏK

Tarix: 21-12-2020, 16:46 / Oxunub: 354
 
 


 

2021-ci ilin dövlət büdcəsində Azərbaycan Respublikasının keçmiş Prezidentinin və onun ailə üzvlərinin təminatı xərclərinin məbləği məlum olub.

Bu barədə "Azərbaycan Respublikasının 2021-ci il dövlət büdcəsi haqqında” qanun layihəsində qeyd edilib.

Növbəti ilin dövlət büdcəsində Azərbaycan Respublikasının keçmiş Prezidentinin və onun ailə üzvlərinin təminatı xərcləri üçün 343,4 min manat vəsait nəzərdə tutulur.

Xatırladaq ki, müstəqillik dövründə Azərbaycanın 3 keçmiş prezidenti olub: Ayaz Mütəllibov, Əbülfəz Elçibəy və Heydər Əliyev.

Nəzərə alsaq ki, mərhum eks-prezident Heydər Əliyevin özü və həyat yoldaşı sağ deyil, oğlu isə hazırki dövlət başçısıdır, onda belə demək olar ki, eks-prezidentlərə dair qanunun verdiyi təminatlardan hazırda həyatda olan Ayaz Mütəllibov və mərhum dövlət başçısı Əbülfəz Elçibəyin ailəsi faydalanacaq.


Axtarış
Xəbər lenti
Reklam