“The Washington Times”: “Rusiya Paşinyanı Vardanyanla əvəz etmək istəyir”
Rusiya Cənubi Qafqazda münaqişələri qızışdırmaq və Ermənistan hakimiyyətini Moskvanın marionetkası etmək istəyir.

Amerikanın mühafizəkar "The Washington Times” qəzeti Qarabağdakı erməni separatçılarının rəhbəri Ruben Vardanyanın Rusiya Federasiyası tərəfindən maliyyələşdirilməsi, onun İranla əlaqələri və Ermənistanın Baş naziri Nikol Paşinyanı əvəzləmək istəyi barədə ətraflı məqalə dərc edib:

"Rusiya rejimi Azərbaycanın Qarabağdakı erməni azlığı manipulyasiya edir. Moskva Qarabağ üzərində nəzarətini gücləndirir və Ermənistanın özünə hakim olmaq üçün regiondan alət kimi istifadə etməyi planlaşdırır. İndi Kreml Qərbə doğru istiqamətlənən Paşinyanın yerinə Vardanyanı hazırlayır”.

Məqalədə qeyd olunur ki, Vardanyanın İranla əlaqələrini Rusiyanın Qorçakov Fondu vasitəsi ilə izləmək olar. Bu fond müxtəlif ölkələrdə, o cümlədən Ermənistanda Tehrandan hökumət tərəfindən təsdiqlənmiş məruzəçilərin iştirakı ilə tədbirlər təşkil edir.

Onların arasında Tehran Beynəlxalq Münasibətlər İnstitutunun və İran Silahlı Qüvvələrinin Baş Qərargahına tabe struktur olan Milli Təhlükəsizlik Araşdırmaları İnstitutunun əməkdaşı Ehsan Movahedyan da var.
Xankəndi-Laçın yolunda aksiya 46 gündür davam edir
Havanın soyuq və şaxtalı olmasına baxmayaraq, Azərbaycanın Qarabağ iqtisadi rayonunda faydalı yataqların qanunsuz istismarı əleyhinə Xankəndi-Laçın yolunda keçirilən etiraz aksiyası qırx altı gündür davam edir, gənc fəallar gün ərzində olduğu kimi, yüksək fəallıq göstərirlər.

"Report”un aksiyanı işıqlandıran əməkdaşı xəbər verir ki, 2022-ci il dekabrın 12-də səhər saatlarından başlayan aksiya ötən gecə boyu da davam edib.

Təhlükəsizlik qaydalarına yüksək səviyyədə əməl olunan toplanış yerində gecə boyu da heç bir insident baş verməyib.

Həmişə olduğu kimi, etirazçılar bu səhəri də Azərbaycan Dövlət Himninin səsləndirilməsi ilə açıblar. Daha sonra vətənpərvərlik ruhunda mahnılar ifa ediblər.

Eyni zamanda ekofəallar yolun hər iki tərəfində, hərəkətə maneə törətmədən üzərində Azərbaycan, rus və ingilis dillərində yazılmış plakatlar qaldırıb, şüarlar səsləndirirlər.

Aksiya iştirakçılarının tələbləri ilk gündən olduğu kimi, dəyişməz olaraq qalır.

Belə ki, ekofəallar və gənc könüllülər "Azərbaycan oyaqdır, sərvətinə dayaqdır!”, "Azərbaycan vahiddir, sərvətinə sahibdir!”, "Ekoloji cinayətə son!”, "Stop ekoterror!”, "Берегите природу!”, "Экоциду нет! Мониторингу да!” şüarlarını səsləndirirlər.

Qeyd edək ki, Şuşa ərazisində Rusiya sülhməramlılarının nəzarətində olan yolun bir hissəsində etiraz aksiyası azərbaycanlı fəallar və ekologiya üzrə qeyri-hökumət təşkilatlarının (QHT) üzvləri tərəfindən Qarabağ iqtisadi rayonunda ekoloji terrora son qoyulması tələbi ilə keçirilir. Aksiya iştirakçıları günlərdir ki, yüksək əzm, mətanət, qətiyyət nümayiş etdirirlər.

2022-ci il dekabrın 3-də və 7-də Rusiya sülhməramlı kontingentinin komandanlığı ilə aparılmış müzakirələrin nəticəsi olaraq İqtisadiyyat Nazirliyi, Ekologiya və Təbii Sərvətlər Nazirliyi, İqtisadiyyat Nazirliyi yanında Əmlak Məsələləri Dövlət Xidməti və "AzerGold” Qapalı Səhmdar Cəmiyyətinin mütəxəssislərindən ibarət heyət Rusiya sülhməramlı kontingentinin müvəqqəti yerləşdiyi Azərbaycan ərazilərində faydalı qazıntı yataqlarının qanunsuz istismarı, bundan irəli gələn ekoloji və digər fəsadlarla bağlı ilkin monitorinq aparmalı idi. Lakin sülhməramlıların hərəkətsizliyi ucbatından monitorinq baş tutmayıb.

Dekabrın 16-da Rusiya sülhməramlılarının qərargahında növbəti görüş keçirilib. Ancaq monitorinq qrupunun yataqlara yerində baxış keçirməsinə növbəti dəfə lazımi şərait yaradılmayıb və qarşıya qoyulan vəzifələrin icrasına nail olunmayıb.
Vardanyanın axmaq tapıntısı: dronları Qarabağa göndərmək istəyirlər

Ermənistanda Laçın yolundan keçmədən Qarabağdakı separatçı rejimə yüklərin hansı yolla göndərilməsi müzakirə olunur.

Publika.az xəbər verir ki, təklif olunan yollardan biri dronlardan istifadə haqdadır.

Erməni jurnalist-ekspert Qaqik Vardanyan bildirir ki, sürətli həll yollarından biri yüklərin dronlarla çatdırılmasıdır.

"Bunun üçün biznesmenlərimiz dronların alınmasını həyata keçirə bilər. Azərbaycan buna maneələr yaradacaq, lakin biz dayanmamalıyıq. Dronlar vasitəsilə hava məkanından istifadə etmək mümkündür”, - Vardanyan deyib.

Qeyd edək ki, Laçın yolunda ekofəaların etiraz aksiyasına başlamasından sonra Ermənistan və separatçı rejim "humanitar fəlakət” görüntüsü yaratmağa çalışır və bununla Azərbaycana qarşı beynəlxalq təzyiqə nail olmaq istəyirlər. Lakin Laçın yolu bütün humanityar yüklər üçün açıqdır, eyni zamanda, Azərbaycan erməni əhalisinin ərzaqla təminatını üzərinə götürməyə hazır olduğunu bəyan edib. Separatçılar isə bunun qarşısını alır.
Daşaltı əməliyyatından 31 il ötür



Bu gün Azərbaycan Ordusunun həyata keçirdiyi, lakin uğursuzluqla nəticələnən Daşaltı əməliyyatından 31 il ötür.

Publika.az xatırladır ki, əməliyyat Şuşanın Daşaltı kəndinin erməni işğalından azad olunması məqsədilə aparılıb və 1992-ci il yanvarın 25-i axşamdan 26-sı axşama qədər davam edib.

Əməliyyatın keçirilməsi üçün Şıxov taborundan 200 nəfər ayrılıb. Yanvarın 25-dən 26-na keçən gecə başlanan əməliyyata sabiq müdafiə naziri Tacəddin Mehdiyev rəhbərlik edib. Əməliyyatın birinci planı taqımın Nəbilər kəndi vasitəsilə keçərək Qızılqaya hündürlüyünə qalxaraq, oradan Daşaltıdan Sığnaxa aparan yolu kəsmək, ikinci plan Daşaltıdan Şuşakəndə aparan yolu kəsmək olub. Əməliyyat zamanı hava şəraitinin sərtliyi, hərbi əlaqənin pis təşkil edilməsi, əməliyyat sirrinin yayılması və bələdçilərin xəyanəti uğursuzluğa səbəb olub.

Daşaltıya daxil olan tagım ermənilərin pusqusuna düşüb. Digər tağımlar da itki verərək geri çəkiliblər. Azərbaycan Ordusu uğursuz əməliyyatda 100-ə yaxın itki verib, Müdafiə Nazirliyinin Kəşfiyyat Bölüyünün rəis müavini olan polkovnik-leytenant Riad Əhmədov isə itkin düşüb. Onun taleyindən bu günədək heç bir məlumat yoxdur. Ermənilər də xeyli itki verib, əməliyyat zamanı düşmənin 80 döyüşçüsü məhv edilib.

2020-ci ilin sentyabrın 27-dən başlayaraq Azərbaycan Ordusunun həyata keçirdiyi uğurlu əks-hücum əməliyyatları nəticəsində Ermənistanın uzun illər işğal altında saxladığı torpaqlar azad olunub. 44 gün davam edən Vətən müharibəsində Müzəffər Azərbaycan Ordusu düşməni Qarabağdan qovub. Azərbaycan əsgərinin sərrast atəşi nəticəsində hər gün xeyli sayda canlı qüvvə və texnika itkisi ilə üzləşən erməni silahlı qüvvələri çıxış yolunu geri çəkilməkdə görüblər.

2020-ci ilin noyabrın 9-da Şanlı Azərbaycan Ordusu 1991-ci ildən etibarən erməni silahlı dəstələrinin nəzarəti altında olan Daşaltı kəndini işğaldan azad edib. Bununla da 28 ildən sonra "Daşaltı əməliyyatı"nın qisası alınıb.

Azad olunandan sonra bir vaxtlar işğal altında saxlanılan Azərbaycan torpaqlarında kütləvi məzarlıqlar aşkarlanıb. Bu məzarlıqlardan biri də 2021-ci ilin fevralın 17-də Daşaltı kəndi ərazisində aşkar edilib və oradan 7 nəfərə məxsus meyit qalıqları çıxarılaraq götürülüb.

Ermənistan silahlı qüvvələri tərəfindən Cenevrə Konvensiyalarının kobud surətdə pozulması nəticəsində 1988-1994-cü illərdə 3890 nəfər itkin düşüb. Onlardan 3171 nəfəri hərbçi, 719 nəfəri isə mülki şəxs olub. İtkin düşənlərin 872-nin əsir-girov götürülməsi barədə məlumatlar mövcuddur. Əsir və girovluqdan azad edilmiş 1480 nəfər şəxsdən 378-i hərbi qulluqçu, 1102-si mülki şəxs olub. Mülki şəxslərdən isə 224-ü uşaq, 357-si qadın, 225-i qoca olub. Əsir və girovluqda ölmüş 552 nəfərdən 447-si kişi, 105-i qadın olub.

Daşaltı kəndi ərazisində aşkar edilmiş əlləri və ayaqları bağlı vəziyyətdə güllələnmiş şəxslərə məxsus kütləvi qəbirlərin ermənilər tərəfindən törədilmiş hərbi cinayətlərin birbaşa sübutudur.

Qeyd edək ki, Prezident İlham Əliyev 2021-ci ilin martın 16-da Daşaltı kəndində olub. Dövlət başçısı bildirib ki, məhz Müzəffər Ordumuz Daşaltı kəndindən qalxaraq, sıldırım qayaları qət edərək Şuşaya daxil olub.

2022-ci il aprelin 21-də dövlət başçısı Şuşa rayonunun Daşaltı kəndində Əhmədbəyli-Füzuli-Şuşa avtomobil yolunun və bu yolun üzərindəki tunellərin inşası ilə tanış olub.

Prezident İlham Əliyev elə həmin günü kəndin bərpası ilə bağlı tapşırıqlarını verib. 2021-ci ilin noyabrın 7-də Prezident İlham Əliyev və birinci xanım Mehriban Əliyeva Daşaltı kəndində məscidin təməlini qoyublar
Prezident: “Ermənistanın irəli sürdüyü əsassız iddialar tamamilə yalan və cəfəngdir”
"Son dövrlərdə Azərbaycan ərazisində Laçın-Xankəndi yolunun guya bağlanması barədə Ermənistanın irəli sürdüyü əsassız iddialar tamamilə yalan və cəfəngdir”.

AZƏRTAC xəbər verir ki, bu sözləri Prezident İlham Əliyev Fransanın ölkəmizdə yeni təyin olunmuş səfiri xanım Ann Buayonun etimadnaməsini qəbul edərkən söyləyib.

Prezident İlham Əliyev bildirib ki, Rusiya sülhməramlılarının və Beynəlxalq Qırmızı Xaç Komitəsinin xətti ilə mülki təyinatlı yüklərin və mülki şəxslərin bu yolla daşınması təmin edilir. Dekabrın 12-dən etibarən 1000-ə yaxın nəqliyyat vasitəsinin bu yol ilə hər iki istiqamətdə keçidi təmin olunub.

Dövlətimizin başçısı Rusiya sülhməramlılarının müvəqqəti yerləşdirildiyi Azərbaycan ərazilərində faydalı qazıntı yataqlarının qanunsuz istismarının dayandırılmasının və ölkəmizin bu yataqlar üzərində daimi monitorinqinin təmin edilməsinin vacibliyini vurğulayıb.
Ümummilli lider Heydər Əliyevin 100 illiyi ilə bağlı əfv sərəncamı imzalanacaq
Ümummilli lider Heydər Əliyevin anadan olmasının 100 illiyi ilə bağlı əfv sərəncamı imzalanacaq.

"Report” xəbər verir ki, bunu Milli Məclisin İnsan hüquqları komitəsinin sədri Zahid Oruc deyib.

Komitə sədri bildirib ki, artıq Əfv Komissiyasının üç iclası keçirilib:

"360-dan çox sənədə baxılıb. Düşünürəm ki, iclaslar may ayına kimi davam edəcək”.
Politoloq: “İllərlə Ermənistanı ayaqda saxlayan İran olub” - VİDEO
"Ermənistanın rəhbərliyində olan şəxslər də etiraf edirlər ki, bu ölkəni illərlə ayaqda saxlayan İran olub”.

Bunu Baku TV-nin "Baku Analitik” verilişində Arzuxan Əlizadə deyib.

O qeyd edib ki, müharibə dövründə İran, hətta ərazimizə girərək Azərbaycan əsgərinin qarşısını almağa da cəhd göstərib.

"Müharibədən sonra da İran tərəfinin ermənilərə dəstəyinin şahidi olduq. Azərbaycan bu məsələləri ictimailəşdirəndən sonra soydaşlarımız yük maşınlarının qarşısını kəsərək Ermənistana silah daşınmasının qarşısını aldılar”, - deyə o əlavə edib.

Vasif Talıbovdan ağlasığmaz tələb: İcra başçıları toya gedəndə…
Naxçıvan Ali Məclisinin keçmiş sədri Vasif Talıbov vəzifəsindən istefa verəndən sonra onunla bağlı maraqlı məlumatlar yayılıb. Bu məlumatlar arasında V.Talıbovun qoyduğu qadağalar daha çox diqqət cəlb edib. 

Yenisabah.az xəbər verir ki, Muxtar Respublikada Talıbovların hakimiyyətinə son qoyulandan sonra həmin qadağaların əksəriyyəti aradan qalxıb. Qəribə görünsə də, hazırda Naxçıvanda hər kəs həyətində təndir çörəyi bişirə bilir. Naxçıvanlı taksi sürücüləri muxtar respublikanın ərazisində sərbəst fəaliyyət göstərir, heç bir maneə olmadan şəhər və kəndlərə müştəri apara bilirlər. Naxçıvanda mağazaların, iaşə obyektlərinin açılması ilə bağlı tətbiq edilən qadağa da aradan qalxıb. Hazırda muxtar respublikanın kəndlərində bir deyil, bir neçə mağazanın açılmasına icazə verilir. 

Vaxtilə Naxçıvan rayonlarının birinə rəhbərlik etmiş sabiq icra başçısı indiyə kimi cəmiyyətə məlum olmayan maraqlı bir qadağadan danışıb. Onun sözlərinə görə, Vasif Talıbovun tətbiq etdiyi qadağalar təkcə sıravi insanları əhatə etməyib. Keçmiş Ali Məclis Sədri Naxçıvan rayonlarının icra başçılarına da bəzi qadağalar qoyub. Onun sözlərinə görə, bu məhdudiyyətlərdən biri toylarla bağlı olub.

Həmsöhbət deyib ki, V.Talıbovun hakimiyyətdə olduğu dövrdə öz övladına toy etmək istəyən icra başçısı mütləq ondan icazə almalı imiş. Hətta qonaq sayı da onunla razılaşdırılmalı imiş. 

İcra başçıları qohumlarının, yaxınlarının, tanışlarının toy məclislərinə qatılarkən də bəzi qaydalara əməl etmək məcburiyyətində olublar. Bunlardan ən gülməlisi vaxtla bağlı məhdudiyyət olub. V.Talıbov icra başçılarına hətta ən yaxın qohumlarının toylarında belə 2 saatdan artıq iştirak etməyinə icazə vermirmiş. 

Digər bir qadağa isə nəmərlə bağlı olub. V.Talıbov icra başçılarına toylara 100 manatdan artıq pul yazdırmağı qadağan edib. O, bunu vəzifəli şəxslərin sadə xalqdan seçilməməsi ilə əlaqələndirib. 

Ali Məclis sədrinin üçüncü qadağası isə spirtli içkilərlə bağlı olub. Vasif Talıbov icra başçılarına və digər vəzifəli şəxslərə toyda spirtli içki qəbul etməyi də yasaqlayıb. 

Həmsöhbətimizin dediyinə görə, Naxçıvan "xan”ı bu tələbə xüsusi olaraq nəzarət edirmiş.
ABŞ İranın kəşfiyyat nazirinin müavini və SEPAH komandirlərinə qarşı sanksiya tətbiq edib
ABŞ İrana qarşı şəxsi sanksiyalarını genişləndirib. Vaşinqton daha 10 nəfərə qarşı məhdudiyyətlər tətbiq edib. ABŞ hakimiyyəti bu qərarı İrandakı etirazlarla bağlı vəziyyətlə əlaqələndirib.

Bildirilib ki, İslam İnqilabı Keşikçiləri Korpusunun (SEPAH) Əməkdaşlıq Fondunun  idarə heyətinin beş üzvü məhdudiyyətlərə məruz qalıb.

Bu barədə ABŞ Maliyyə Nazirliyi məlumat yayıb.

Birləşmiş Ştatlar həmçinin İranın kəşfiyyat və təhlükəsizlik nazirinin müavini və SEPAH-ın dörd yüksək rütbəli komandirinə qarşı da sanksiyalar tətbiq edib. ABŞ Maliyyə Nazirliyinin Terrorla Mübarizə və Maliyyə Kəşfiyyatı üzrə müşaviri Brayan Nelson deyib ki, Birləşmiş Ştatlar İran xalqının insan haqları və digər fundamental azadlıqlar tələblərində dəstəklənməsi işinə sadiqdir.
Xankəndində son vəziyyət: Vardanyan ermənilərin başına oyun açır


Rusiya sülhməramlılarının müvəqqəti yerləşdiyi Azərbaycan ərazilərindəki erməni əhalisi separatçı-terrorçu rejimin yaratdığı vəziyyətdən ciddi şəkildə əziyyət çəkir.

Publika.az xəbər verir ki, Laçın yolunda aksiyanın başlanmasından sonra qondarma rejim "humanitar fəlakət” görüntüsü yaratmaq məqsədilə erməni əhalisinə qarşı anti-humanist addımlar atır.

Aksiya ərazisindən hər gün onlarla humanitar yardım və digər ləvazimatlar daşıyan yük maşınları keçir. Demək olar ki, daşınan yüklər aksiya başlanmamışdan əvvəlki həcmdədir. Bununla yanaşı, Qarabağda ərzaq, yaxud hansısa digər məhsulun defisiti yaşanmayıb. Bunu ermənilərin açıqlamaları da təsdiq edir. Lakin separatçı-terrorçu rejim "humanitar fəlakət” iddialarını təsdiq etmək naminə əhalinin həyat şərtlərini çətinləşdirir. Xüsusilə qondarma "dövlət naziri” Ruben Vardanyan müxtəlif qərarlarla ermənilərə əziyyət verir.

Xankəndi və ermənilərin yaşadığı digər ərazilərdəki son vəziyyət insanların Vardanyanın oyunlarının qurbanına çevrildiyini təsdiq edir.

İntensiv şəkildə qazın verilişi dayandırılır və buna görə Azərbaycan ittiham olunur. Qaz təchizatı bərpa edilməsinin ardınca elektrik enerjisi məqsədli şəkildə kəsilir. Misal üçün, Xankəndində gün ərzində üç dəfə üç saat olmaqla elektrik enerjisi kəsilir.

Ərzaq məhsullarının talonla satışına başlanmasından sonra mağazalarda növbələr yaranıb. Son məlumata görə, yüzlərlə mağazanın önündə ermənilər ərzaq əldə etməyə çalışır.

İki gün öncə bazara istifadə müddəti keçmiş ərzaqlar daxil edilib. Xüsusilə düyüdən kəskin qoxu gəlməsi ermənilərin narazılığına səbəb olub və alınan malların qaytarılması üçün mağazalarda növbələr yaşanıb.


Erməni əhalisi hər gün Qarabağa daşınan humanitar yüklərin hara yoxa çıxdığını soruşurlar, lakin konkret cavab verilmir. Laçın yolundan daşınan yüklərin Qarabağdakı aqibəti müəmmalıdır. Misal üçün, "Ermənistan” Fondu separatçıların İrəvandakı nümayəndəliyinə 100 ton ərzaq məhsulu bağışlayıb. Bu yardımın hara aparıldığı haqda dəqiq məlumat yoxdur.

Daşınan malların məqsədyönlü şəkildə gizlədildiyi və erməni əhalisinin həyatının çətinləşdirilməsi üçün bütün vasitələrdən istifadə edildiyi istisna deyil. Malların sülhməramlılar və separatçılar tərəfindən mənimsənilərək, satıldığı da versiyalardan biridir.

"Birinci xəbər” saytının məlumatına görə, sülhməramlı kontingentinin rəhbərliyi mövcud vəziyyətdən istifadə edərək, bir çox məhsulun baha qiymətə satılmasını həyata keçirir.

Separatçı rejim iş yerlərini də kütləvi şəkildə ixtisar edir. İndiyə qədər heç bir əsas gətirilmədən 4700 nəfər işdən çıxarılıb.

Bütün bu oyunların Ruben Vardanyan tərəfindən təşkil edildiyini ermənilər də təsdiq edir.

Separatçı rejimin keçmiş qondarma "nazirlərindən” biri Mikael Hayriyan bildirib ki, Vardanyan Qarabağı və erməniləri öz ambisiyalarının əsirinə çevirir.

"Bir neçə ay əvvəl Ruben Vardanyan nümayişkərana şəkildə Rusiya vətəndaşlığından imtina etdi və "bizi xilas etmək üçün” "arsax”a gəldi. Mümkün problemləri və riskləri dəyərləndirməyən, heç bir geosiyasi mərkəzdən dəstək almayan Vardanyanın müəyyən qüvvələrə xidmət etdiyi və başqa məqsədlər naminə bura köçdü bəllidir. Üç ay sonra anladıq ki, o, öz ambisiyaları naminə hər kəsi çətin vəziyyətə salıb. Bir neçə sözlə bütün iqtisadiyyatı, sistemi məhv etdi. Elə vəziyyət yaranıb ki, vəziyyətin daha da pisləşməməsi üçün onun danışmamasını istəyirik”, - Hayriyan deyib.

Keçmiş qondarma "nazirlər”dən digəri Hayk Xanumyan da Vardanyanı ittiham edib. Bildirib ki, o, populist çıxışlar edir və bütün addımları özünün reklamına hesablanıb.

"Vardanyan şou göstərir və bu şousuna erməni əhalisini də çətinliklərin yaranması bahasına qoşmağa çalışır”, - Xanumyan bildirib
Axtarış
Xəbər lenti
Reklam