Əliyevlə Paşinyan yanvarın 11-də Moskvada görüşür: şayiə, yoxsa...

(6-01-2021, 12:00)

Azərbaycan, Ermənistan və Rusiya liderlərinin iştirakı ilə üçtərəfli görüş yaxın vaxtlarda Moskvada keçirilə bilər. Virtualaz.org bildirir ki, bu barədə "İnferfaks”a diplomatik mənbədən məlumat verilib. "Rusiyada Azərbaycan Prezidenti və Ermənistan baş nazirinin Rusiya Prezidenti ilə üçtərəfli görüşü planlaşdırılır”, - diplomatik mənbə bildirib. Onun sözlərinə görə, sammit yeni il tətillərindən sonra baş tuta bilər, mümkün tarixlərdən biri - 11 yanvardır. "İnterfaks” bu informasiyanın rəsmi təsdiqinə malik deyil. Bu Qarabağ müharibəsinin başa çatmasından sonra İlham Əliyev və Nikol Paşinyanın ilk görüşü olacaq.

Nə rəsmi Bakı, nə İrəvan Moskvada belə bir görüşün baş tutacağı, yaxud gözləntisi haqda açıqlama verməyib. Eyni zamanda Kremldən də Əliyevlə Paşinyanın görüşünün olacağı haqda fikir bildirilməyib. Əslində informasiyanın təkzib olunmaması da maraq doğurur. Bu susqunluq Moskva görüşünün olacağı barədə müəyyən ehtimal yaradır.

Lakin hələlik mülahizələr səviyyəsində olan bu məlumatla bağlı yeni bir nüans yoxdur. Yeri gəlmişkən, bu barədə son olaraq xəbəri Ermənistanın Vatikanda keçmiş səfiri və Paşinyan hökumətinin sərt tənqidçilərindən biri Mikael Minasyan yayıb. O, keçmiş prezident Serj Sərkisyanın kürəkənidir. Ola bilsin ki, mühacirətdə olan sabiq səfir dezinformasiya yayıb. Çünki üçtərəfli bəyanat yeni imzalanıb, Ermənistanı acı məğlubiyyəti hələ dadmaqdadır, daxildə ictimai rəy Paşinyanın görüşə getməsini istəməz. Yəni bir sıra razılaşdırılmalı mövqe olsa da, prezidentlə baş nazirin belə tez görüşməsi real görünmür. Amma erməni mediası da görüş haqda yazıb.

"Hraparak” qəzeti xəbər verir ki, Moskvadan İrəvana nümayəndə heyəti gəlib və məqsəd 11 yanvar görüşünə hazırlıq aparmaqdır. Əgər görüş olacaqsa, bu, Azərbaycanın qələbəsi ilə başa çatan 44 günlük müharibədən sonra iki ölkə rəhbərinin ilk təması olacaq. Əliyev masaya qalib, Paşinyan məğlub tərəf kimi əyləşəcək və diktə edən də Azərbaycan Prezidenti olacaq. Erməni şərhçi Leon Sərkisyan da deyir ki, Azərbaycan lideri Moskvada qalib kimi diktə edəcək.

Erməni dövlətinin peyda olmasının səbəbi bizik - Leontyev

L.Sərkisyanın irəli sürdüyü iddialar diqqət çəkir: "Görüşün gündəliyi gizli olaraq qalır. Böyük ehtimalla Ermənistan Azərbaycanın hansısa böyük şərtini qəbul edəcək və bu informasiya gecəyarısı, insanların yatdığı vaxt erməni ictimaiyyətinə açıqlanacaq. Ermənistanın gündəmini yenə də İlham Əliyev müəyyən edəcək”.

Gözlənilən görüşə qədər Ağdamda yerləşən Türkiyə-Rusiya Birgə Monitorinq Mərkəzinin fəaliyyətə başlayacağı ehtimalı da böyükdür. Prezident Türkiyənin milli müdafiə naziri Hulusi Akarı qəbul edərkən "Monitorinq Mərkəzi yaxın 10 günə - maksimum iki həftəyə hazır olacaqdır”-deyə bildirmişdi. Bu, Moskvada Bakının əlini gücləndirəcək amil kimi vacibdir. Siyasi təhlilçilərin fikrincə, keçiriləcəyi iddia olunan görüşün gündəliyində bir sıra məsələlər ola bilər.

İlk növbədə sərhədlərin delimitasiyası: Kəlbəcər, Zəngilan, Qubadlı və Laçın istiqamətində proses başa çatmaq üzrədir və görüşə (əgər bu, doğrudursa) qədər tamamlanacaq. Mümkündür ki, tərəflər Qazağın 7 kəndi və Naxçıvanın Kərki kəndinin qaytarılmasını da müzakirə edəcək.

Naxçıvandan açılacaq iki dəhliz: Mehri və Azərbaycanın qərb rayonları ilə birləşəcək yol, Ermənistanla kommunikasiyanın açılması, Bakının təklif etdiyi, Ermənistanın da daxil olduğu "altılıq” platformasının qurulması və ümumilikdə münaqişənin həllindən sonra bölgənin taleyi müzakirə edilə bilər. Lakin bütün bunlar üçün həll edilməsi vacib olan bir məsələ var: Qarabağdakı erməni silahlıların bölgədən çıxarılması... Bölgədəki silahlı qruplaşmalar Paşinyana tabe olmaqdan imtina edir. Prezident də Akarla görüşdə bu haqda danışmışdı.

Azərbaycan Demokratik İslahatlar Partiyasının sədri, Milli Məclisin deputatı Asim Mollazadə "Yeni Müsavat”a bildirdi ki, görüş olacağı haqda onda məlumat yoxdur, hələlik Rusiya və erməni informasiya mənbələri bu xəbərləri yayırlar. Deputatın sözlərinə görə, Ermənistan üçtərəfli sazişə riayət etməlidir və bütün bəndlər öz əksini tapmalıdır. A.Mollazadə hesab edir ki, Ermənistanda müəyyən revanşist ideyalar onların özü üçün təhlükəlidir və İrəvan buna görə Rusiya və Azərbaycana cavab verməlidir: "Əgər belə bir görüş olacaqsa, Azərbaycanın mövqeyi bəllidir. Azərbaycan Ermənistanın imzaladığı kapitulyasiya sazişinə riayət edir, Ermənistanı da bəyanatın bütün bəndlərinə əməl etməyə çağırır. Lakin hələlik onların sazişdə əməl etmədikləri müəyyən məqamlar var. Məsələn, koridor açılmayıb, Qazağın 7 kəndi azad edilməyib, Qarabağdakı silahlı dəstələr tərk-silah edilməyib. Bu məsələlər həllini tapmalıdır”.

Sülhəddin Əkbərin partiyası qeydiyyata alınıb:

Azad Demokratlar Partiyasının sədri, politoloq Sülhəddin Əkbər isə "Yeni Müsavat”a qeyd etdi ki, ümumiyyətlə, əvvəlcədən belə görüş olacağı haqda məlumat onda olub: "Çünki 9 noyabrda imzalanan üçtərəfli bəyanat siyasi bəyanatdır, orada çoxlu boşluqlar, qeyri-müyyənliklər var. Ona görə daha ətraflı sənəd hazırlanması üçün ciddi hüquqi addımlar atılmalıdır. Hazırda bu proses gizli aparılır, mətbuata qapalı olduğu üçün əlavə məlumat əldə edə bilmirik. Lakin Azərbaycan tərəf diqqətli olmalıdır, Rusiya çalışacaq ki, Qarabağda sülhməramlıların sayı artırılsın və onların səlahiyyət zonası genişləndirilsin. Azərbaycan buna imkan verməməlidir”.

S.Əkbərin sözlərinə görə, Azərbaycan, əksinə, rus qoşunlarının və ermənilərin olduğu öz ərazilərimizdə də suverenliyini bərpa etməlidir: "Separatçı rejimin tam tərk-silah edilməsinə nail olmalıdır, ərazilərin delimitasiyası reallaşdırılmalıdır və nəhayət, yurd-yuvasından didərgin düşən insanların öz torpaqlarına qayıdışına çalışmalıdır. Rusiya rəsmi şəkildə etiraf edir ki, beynəlxalq hüquqa əsasən həmin ərazilər bizimdir. Əgər bizimdirsə, sazişin sənədlərinin hüquqi əsasını biz hazırlamalıyıq”.

Ətraflı

"Gözümüz baxa-baxa Dağlıq Qarabağın Rusiyanın bir vilayəti olmasına imkan verməməliyik"

(6-01-2021, 08:30)

"Xocalı varkən yeni hava limanına gərək yoxdur, 26 fevrala qədər bu iş bitməlidir"

Ad - 00:44

ƏTRAFLI

texnomart.az/yeni-il

Qarabağda yaşananlar hamının əsəblərini tarıma çəkib. Hamı üstüörtülü də olsa deyir ki, yenə də Ankaranın yumruğunu stola vurmasına ehtiyac yaranıb. Terrorçular Xankındidə Azərbaycana meydan oxuyurlar.

Türkiyənin Ərciyəs Universitetinin professoru, ermənişünas alim Qafar Çaxmaqlı Moderator.az-a açıqlamasında deyir ki, ermənilərə yenidən qulaqburması verilməlidir:

"Həqiqətən Ermənistanda olan terrorçu qruplar fəallaşıblar. Şansa Tsrer adlı ultra radikal qrupun lideri Jirayr Sefilyan ətrafına güc toplayır və Paşinyan və digər siyasi qruplardan da, diasporadan da dəstək almaqdadır. Demək olar ki, hər gün TV-ləri çıxır, yəni müharibənin siqnalları verilir. Terrorçular açıq şəkildə Qarabağa göndərilir. Bunlara isə "sülhməramlılar" göz yumur və hətta onlara yardım edirlər. Rusiya onlarla müttəfiqə çevrilib. Onlar Azərbaycanın işğaldan azad edilməmiş ərazilərində lövbər salırlar. Şübhəsiz ki, bu durum yeni yanaşma tələb edir. Ermənistanda artıq revanş tələb edirlər. Faktiki ordusu darmadağın edilən ölkə partizan müharibəsi ilə bizim başımızı qatmaq istəyir. Bundan Rusiya yararlanmaq istəyəcək. Sülhməramlıların sayını artırmaq istəyir. Demək, tədbirlər görmək lazımdır. Hələ sülh danışıqları yoxdur. Ola bilsin ki, Rusiya bu ayın içində belə təşəbbüsdə bulunsun. Amma ona qədər qalib ölkə uğurlarını davam etdirməli, bu dəfə həmin ərazilərdə antiterror əməliyyatlara başlamalıdır. Buna yenə dünya birliyi heç nə deməz. Rusiyanın özü də. haqqımızı müdafiə üçün yenə Türkiyə işə qarışmalıdır. Osmanlı tokatı bu dəfə onları ağıllandırar. Onsuz da 3-cü Qarabağ müharibəsi olacaq. Qaldığımız yerdən işimizi davam etməliyik. Yəni hava limanına qətiyyən gərək yoxdur. Xocalı bizim olmalıdır. 26 fevrala qədər bu iş bitməlidir. Gözümüz baxa baxa Dağlıq Qarabağın Rusiyanın bir vilayəti olmasına imkan verməməliyik. Qarabağ bizimdir və tam qələbə üçün fürsətləri dəyərləndirməliyik. Erməni qoşunları Qarabağdan çıxmırsa, bu, anlaşmanın pozulmasıdır, Ermənilər özləri bu şəraiti yaradırlar. Şəraitə uyğun addımlar atılmalıdır".

Ətraflı

Əsirlikdə olan daha 1 mülki şəxs və 1 hərbçi Azərbaycana qaytarılıb

(5-01-2021, 17:30)

"Dekabrın 28-də 1 mülki şəxs və 1 hərbçi Azərbaycana qaytarılıb”.

Bunu Beynəlxalq Münasibətlərin Təhlili Mərkəzində keçirilən mətbuat konfransında Əsir və itkin düşmüş, girov vətəndaşlarla əlaqədar Dövlət Komissiyası İşçi Qrupunun rəhbəri İsmayıl Axundov deyib.

Ətraflı

Erməni əsirliyində olmuş azərbaycanlı: “Bizə heç su da vermirdilər”

(5-01-2021, 16:30)

"Əsirlikdə olan vaxtı bir neçə gün pəncərəsiz və işıqsız yerdə saxlanıldıq. Bizə qarşı qeyri-insani hərəkətlər edirdilər. Hətta bizi Allahın suyuna belə möhtac qoyurdular”.

Bunu Beynəlxalq Münasibətlərin Təhlili Mərkəzində keçirilən mətbuat konfransında erməni əsirliyində olmuş hərbi qulluqçumuz Həmidov Nahid Yaşar oğlu deyib.

"Onlar 1992-93-cü illərdə etdiyi terror aktlarını sadalayıb, fəxr edirdilər. Bir daha Ali Baş Komandan İlham Əliyevə Vətənə qayıtdığım üçün minnətdarlığımı bildirirəm”, - o bildirib.

Ətraflı

“Qarabağ Dirçəliş Fondu” – Azərbaycan xalqının birlik və həmrəyliyinin yeni rəmzi

(5-01-2021, 16:13)

Aərbaycan xalqı 2021-ci ilə möhtəşəm tarixi qələbə ilə qədəm qoydu. Ölkənin ərazi bütövlüyünü bərpa etməklə Azərbaycan dövləti bir daha beynəlxalq hüququn və milli-mənəvi dəyərlərin aliliyi prinsiplərinə sadiq olduğunu bütün dünyaya nümayiş etdirdi.

Bu gün artıq ölkəmizin inkişaf tarixində tamamilə yeni bir mərhələ başlayır. Heç şübhəsiz bu mərhələdə işğaldan azad edilmiş ərazilərimizin yenidən həyata qaytarılması Azərbaycanın siyasi-iqtisadi suverenliyinin daha da gücləndirilməsi yönümündə mühüm dayaq amillərdən biri kimi çıxış edəcək. Tezliklə bu bölgələrdə yenidən məskunlaşma həyata keçiriləcək, insanlarımızın layiqli yaşayışı və ümumi iqtisadi fəallıq təmin ediləcək. Qarabağda və ətraf rayonlarda həyata keçiriləcək quruculuq-bərpa işləri ölkəmizin sosial-iqtisadi inkişafının əsaslarını daha da möhkəmləndirilməsinə xidmət edəcək.

Əlbəttə ki, bu quruculuq işlərinə dəstək vermək hər bir azərbaycanlının arzusu və şərəf borcudur. Çünki bu dəstək həm də bizim hər birimizin qələbəmizə, qüdrətli və güclü Azərbaycan naminə milli birlik ideyasına, suveren və təhlükəsiz yaşamaq məqsədimizə mühüm töhfəsi olacaq. Məhz elə bütün bu vacib məqamları nəzərə alaraq Ölkə Prezidenti cənab İlham Əliyev 2021-ci il yanvar ayının 4-də "Qarabağ Dirçəliş Fondu” publik hüquqi şəxsin yaradılması haqqında Fərman imzalayıb. Yeni yaradılan bu Fond Azərbaycanın işğaldan azad edilmiş ərazilərinin bərpası və yenidən qurulması, habelə dayanıqlı iqtisadiyyata və yüksək rifaha malik regiona çevrilməsi istiqamətində həyata keçirilən tədbirlərə maliyyə dəstəyi göstərilməsini və sərmayələrin cəlb edilməsini, bu sahədə dövlət-özəl tərəfdaşlığının inkişafını təmin edən, eləcə də ölkə daxilində və xaricdə zəruri təşviqat işlərini həyata keçirən publik hüquqi şəxsdir. Fondun vəsaitləri fiziki və hüquqi şəxslərin ianələri, qrantlar və qanunla qadağan olunmayan digər mənbələr hesabına formalaşır.

Birmənalı olaraq qeyd edilməlidir ki, "Qarabağ Dirçəliş Fondu”nun yaradılması Azərbaycan xalqının Qarabağa möhtəşəm qayıdışı istiqamətində dövlətimiz tərəfindən atılan ən əhəmiyyətli addımlardan biridir. 30 il ərzində işğal altında olan Vətən torpaqlarında erməni qəsbkarlarının törətmədikləri vandalizm aktının qalmadığını hamımız gözəl bilirik. Şəhərlərimiz, qəsəbə və kəndlərimiz viran edilib, təbii sərvətlərimiz talan olunub, tarixi-mədəni irsimiz tamamilə yox edilmək məqsədilə olmazın dağıntılara məruz qoyulub. Düşmən bu torpaqların əsl sahiblərini dünyadan gizlətmək üçün əlindən gələni edib. Lakin bütün bunların bir nəticəsi olmadı. Vətən torpağı düşmən tapdağı altında əbədi qala bilməzdi və qalmadı. Ali Baş Komandan cənab İlham Əliyevin dediyi kimi, biz öz torpaqlarımızı şəhidlərimizin qanı bahasına azad etdik. Bu gün isə həmin torpaqları alnımızın təri ilə yenidən dirçəltməyə başlayırıq. Qarşıda bizi irimiqyaslı quruculuq-bərpa işləri gözləyir və bu işlərdə də öz payı olduğunu görmək hər kəsin arzusudur. Lakin belə məsələlərdə pərakəndəlik də qətiyyən yolverilməz bir haldır. Bəhz elə bu baxımdan da "Qarabağ Dirçəliş Fondu”nun yaradılması müstəsna əhəmiyyət kəsb edən bir hadisədir.

Əminəm ki, "Qarabağ Dirçəliş Fondu” 2021-ci ildə Azərbaycan xalqının birlik və həmrəylik rəmzlərindən birinə çevriləcək və məhz bu Fondun dəstəyilə işğaldan azad edilmiş rayon və bölgələrimiz ən qısa zamanda respublikamızın inkişaf etmiş regionları sırasında öz layiqli yerlərini tutacaqlar.

Səttar Möhbalıyev
Azərbaycan Həmkarlar İttifaqları Konfederasiyasının sədri,
Azərbaycan Respublikası Milli Məclisinin deputatı

Ətraflı

Hulusi Akar: “Can qardaşlarımızın haqlı mübarizəsində sonuna qədər bütün imkanlarımızla yanlarındayıq”

(5-01-2021, 15:30)

Türkiyənin Milli Müdafiə naziri Hulusi Akar Sarıqamış şəhidlərinin anım günü ilə bağlı açıqlama verib.

Bu barədə Türkiyə Milli Müdafiə Nazirliyinin rəsmi saytında məlumat yerləşdirilib.

"Sarıqamış hərəkatının 106-cı ildönümündə vətən, millət və bayraq uğruna canlarını fəda edərək şəhidlik mərtəbəsinə çatan qəhrəmanlarımızı rəhmət və hörmətlə yad edirik”, - deyə H.Akar bildirib.

Türkiyənin Milli Müdafiə naziri həmçinin öz mesajında Azərbaycan xalqına da təşəkkür edib:

"Sarıqamış şəhidlərini yad etdiyimiz bu anlamlı gündə "tək millət, iki dövlət” ifadəsinin gözəl bir nümunəsini nümayiş etdirən qardaş Azərbaycan xalqının Nargin adasında məcburi şəkildə saxlanılan mehmetçiklərimizə etdiyi yardımları hörmət və ehtiramla yad edirik. Biz də can qardaşlarımızın haqlı mübarizəsində sonuna qədər bütün imkanlarımızla yanlarındayıq, azərbaycanlı qardaşlarımızla kədərdə və sevincdə bir və bərabərik”.

Ətraflı

Ermənistan ölən və itkin düşənlərin rəsmi sayını “DÖVLƏT SİRRİ” adlandırdı

(5-01-2021, 14:00)

Ermənistan Müdafiə Nazirliyi Azərbaycanla aparılan 44 günlük müharibədə ölən və itkin düşən erməni hərbçilərin həqiqi sayını açıqlamaqdan imtina edib.

Modern.az-ın məlumatına görə, "Pastinfo” saytının bununla bağlı Ermənistan Müdafiə Nazirliyinə göndərdiyi yazılı sorğuya cavab verilməyib. Belə ki, Müdafiə Nazirliyi Qarabağ müharibəsində ölən və itkin düşən erməni hərbçilərin həqiqi sayının dövlət və rəsmi sirr olduğunu bəyan edib.

"Azərbaycan tərəfində nə qədər erməni mülki girov, neçə hərbi əsir olduğu barədə məlumat istədik. Həmçinin, müharibə zamanı öldürülən erməni əsgərlərin sayına aydınlıq gətirilməsini xahiş etdik”,-deyə "Pastinfo” yazıb.

Nazirlik sualları cavablandırmaq üçün daha çox araşdırmaya ehtiyac olduğunu bildirib.

"Ölənlərin, itkin düşənlərin və əsirlərin sayı o qədər dəhşətlidir ki, mövcud rejim onu açıqlamaqdan qorxur”,-deyə "Pastinfo” yazıb.

Ermənistan Səhiyyə Nazirliyi 1 yanvar 2021-ci il tarixinə qədər 3330-dan çox hərbçinin cəsədi üzərində məhkəmə-tibb xidmətinin ekspertiza apardığını bəyan edib. Bu ekspertiza onların tanınması üçün aparılıb.

Ümumiyyətlə isə Ermənistanda həlak olan hərbçilərin adlı siyahısı rəsmən elan olunmayıb.

Ətraflı

Ermənistan XİN rəhbəri Qarabağa gəlir

(5-01-2021, 13:30)

Ermənistan xarici işlər naziri Ara Ayvazyan Qarabağa səfər edəcək.

Modern.az Ermənistan KİV-nə istinadən xəbər verir ki, səfər bu gün gerçəkləşəcək.

Ayvazyanın Xankəndidəki terrorçu rejimin üzvləri ilə danışıqlar aparması gözlənilir.

Ətraflı

Hrant Melik-Şahnazaryan: "Şurnuxdan sonra Nikol Kərkini də düşmənə təslim edəcək..."

(5-01-2021, 12:00)

Şurnuxdan sonra Nikol Ararat bölgəsinin Tiqranaşen (Naxçıvanın Kərki kəndi) kəndini düşmənə təslim edəcək.

Moderator.az-ın məlumatına görə, bunu erməni politoloq Hrant Melik-Şahnazaryanbildirib:

"Xain Nikol Qarabağdan qoşunlarını çıxarır. Uşaqları dəyişdirmək bəhanəsi ilə Ermənistan Respublikasına gətirilir və sonra azərbaycanlıların əsgərlərin xidmət yerinə qayıtmasına icazə vermədiklərini elan edirlər. Və bu daim təkrarlanır.

Səmimi deyim ki, xalqımızın Vətənə qarşı belə laqeyd münasibətinə heyranam. Yaxşı, gəlin kütlələri bir kənara qoyaq, bəs ziyalılar, siyasi, hərbi, mənəvi elita hanı? Bir alçaq xain bütün xalqı necə aldada bilər?

Sizə deyirəm: bilin ki, Şurnuxdan sonra Nikol Ararat bölgəsinin Tiqranaşen (Kərki) kəndini düşmənə təslim edəcək. Sadəcə, bunu necə öyrəndiyimi soruşmayın".

Ətraflı

“Onlar işğal etdikləri torpaqları itirdilər, lakin bu, son itki olmaya da bilər”

(5-01-2021, 11:00)

Tofiq Abbasov: "Ermənilər bu dəfə də baş qaldırsa, Azərbaycan onları birdəfəlik susduracaq və məhv edəcək”

Azərbaycan ordusunun 8 noyabr zəfərini həzm edə bilməyən Ermənistanda, bəzi siyasilər tərəfindən yeni bir ordu yaratmaq, Qarabağ uğrunda yeni bir mübarizəyə başlamaq kimi fikirlər səslənməkdədir.

Maraqlıdır, Ermənistanın yeni ordu yaratmaq, Azərbaycana qarşı yeni bir mübarizə ortaya qoymaq potensialı qalıbmı?

açıqlama verən politoloq Tofiq Abbasov, Ermənistanın bu potensialdan məhrum olduğunu vurğuladı:

"Ermənistanın yeni bir ordu formalaşdırmaq potensialı qalmayıb. Əgər ermənilərin başında azca ağıl varsa, bu ideyadan əl çəkməlidirlər. Çünki onların ordu yaratmaq, ərazi qazanmaq planının nə ilə nəticələndiyi bəlli oldu. Prezidentimiz qeyd etdi ki, Ermənistanın ordu potensialının 80%-ni məhv etmişik.

Bu gün Ermənistanda revanşizm fikirləri, üçüncü müharibə və s. kimi ideyalar səslənir. Paşinyan nə qədər mənfur olsa da, indiki Ermənistan üçün ən yaxşı seçimdir. Çünki o, artıq Azərbaycan və Türkiyə ilə barışıq məsələsini gündəmə gətirib. O deyir ki, ona qədər yeridilən siyasət uğursuz siyasət idi. Onun sonu, axcırı yox idi. O, Qarabağla bağlı danışıqlara getmək istəyirdi. Amma gördü ki, bunu etsə, onun "başını yeyəcəklər”. Buna görə də o, dağıdıcı qüvvələrlə razılaşmalı oldu və bu, nə ilə nəticələndi – biz bunu bilirik.

Onların Paşinyana alternativ kimi təqdim etdiyi Vazgen Manukyanın ən böyük çatışmazlığı yaşının çox olması deyil. Onun bəlası ondadır ki, bu adam irqçi və millətçidir, qəti radikaldır. Onlar Qarabağı itirdilər. Lakin Ermənistanı da itirə bilərlər. Bu dəfə də baş qaldrısalar, Azərbaycan onları birdəfəlik susduracaq və məhv edəcək.

Vazgen Manukyana meydan verməklə onlar böyük səhvə yol verəcəklər. Ən yaxşı variant odur ki, Ermənistan bütün olub-keçənləri nəzərdən keçirsin və qonşu dövlətlərlə normal münasibətlər qursun. Bunu etməsələr, onların problemləri böyük olacaq”.

Ətraflı