"Xeyli sayda at Kəlbəcər tərəfə keçsə də onları qaytarmaq imkanı yoxdur...

Tarix: 13-01-2021, 08:30 / Oxunub: 311
 
"Ermənistanın Sünik və Qeqarkunik bölgələrinin sakinləri torpaqlarını və otlaqlarını itiriblər"


 

Ermənistanla Azərbaycan arasında sərhədlərin müəyyənləşdirilməsinə yeni yanaşmalar səbəbi ilə, Ermənistanın Sünik və Qeqarkunik bölgələrinin sakinləri torpaqlarını və otlaqlarını itiriblər. 

Moderator.az xəbər verir ki, Ermənistanın İnsan Hüquqları Müdafiəçisi (Ombudsman) Arman Tatoyan bunu 12 yanvar tarixində keçirdiyi mətbuat konfransında bildirib.

"Vətəndaşlarımızın mülkiyyət hüquqları pozulub. Onlar yalnız öz ehtiyaclarını ödəmək və ciddi problemlərlə qarşılaşmamaq fürsətini itirmədilər, həm də bu yerlərə böyük investisiyalar qoyulduqda ticarət etmək fürsətini də itirirdilər",-deyə o bildirib.

Ombudsmanın təqdim etdiyi məlumatlara görə, genişlənən Tex icması 2000 hektardan çox xüsusi mülkiyyətdə olan torpaq sahələrindən istifadə etmək imkanından məhrum edilib. Vorotan kəndi məsələsində sakinlər 326 hektardan çox şəxsi və ümumi mülkiyyətində olan torpaqdan istifadə etmək imkanından məhrum edilib. Əgərək kəndində sakinlər 60 hektardan çox şəxsi və ümumi istifadədə olan əraziyə, Yeqvardda 110 hektar əkin və 50 hektar otlaq sahəsinə giriş hüququndan məhrumdurlar. Başqa yerlərdə də oxşar problemlər var.

Tatoyana görə, insanlar otlaqlarını itirərək əsasən mal-qaralarını satdılar. O qeyd edib ki, çox sayda atın Kəlbəcərə tərəf keçməsi halları da olub, insanların onları qaytarmaq imkanı isə yoxdur. Hüquq müdafiəçisi yazda bu kimi problemlərin daha da arta biləcəyini də bildirib. 

"Mülkiyyət ilə bağlı iki əsas problemimiz mövcuddur. Hazırda Sovet Ermənistanının və ya müstəqil Ermənistanın səlahiyyətliləri tərəfindən mülkiyyət şəhadətnamələri verilən torpaqlar və fərdi evlər Azərbaycan ərazilərində  qalmaqdadır. Kadastr sertifikatına görə bu torpaqlar Ermənistana məxsusdur. Məsələn, Şurnuxda Azərbaycana keçən 11 evin mülkiyyət şəhadətnaməsi var idi",- deyə Tatoyan yekunlaşdırıb.


Axtarış
Xəbər lenti
Reklam