Ukrayna hərbçiləri Svatovsk rayonu (Luqansk vilayəti) istiqamətində Rusiya silahlı birləşmələrinə qarşı uğurla əks hücuma keçərək 400 metrədək irəliləməyə nail olub.
Bu barədə Ukraynanın Quru Qoşunlarının komandanı, general-polkovnik Aleksandr Sırski bildirib.
Komandan cəbhə xəttində ukraynalı müdafiəçilərə baş çəkib, qeyd edib ki, Ukrayna Silahlı Qüvvələri təkcə müdafiə olunmur, həm də əks-hücum edir.
Braziliyanın mal ətinə olan tələbatı ödəmək üçün Amazon tropik meşələrində 800 milyondan çox ağac kəsilib,
Azadlıq Radiosu yerli mənbələrə istinadən yaydığı məlumata görə, son altı ildə kəsim üçün heyvan yetişdirən fermaların genişlənməsi səbəbindən Amazon meşələri 1,7 milyon hektar azalıb.
Müstəntiqlər iyirmidən çox kəsim məntəqəsinin yaxınlığında minlərlə Braziliya fermasının peyk şəkillərini öyrəniblər. Onların hamısı Avropa İttifaqı, Böyük Britaniya və Çin bazarlarını ətlə təmin edən üç iri mal əti ixracatçısına aiddir.
Aparıcı ölkələrin rəsmiləri gizlin şəkildə toplaşır.
Mənbələrin Reuters-ə verdiyi məlumata görə, Şanqri-La Dialoq təhlükəsizlik forumuna paralel olaraq Sinqapurda 20-yə yaxın ölkənin yüksək rütbəli kəşfiyyat rəsmilərinin məxfi toplantısı keçirilib.
Agentliyin həmsöhbətinin sözlərinə görə, belə bir görüş "beynəlxalq kölgə gündəliyinin mühüm elementidir”.
Görüşdə digərləri ilə yanaşı ABŞ Milli Kəşfiyyatının direktoru Avril Haynes və Hindistan Kəşfiyyatının Tədqiqat və Təhlil Direktoru Samant Qoel də var idi. ABŞ-la yaşanan gərginliyə baxmayaraq, iclasda Çinin də nümayəndəsi olub, lakin Rusiya Federasiyasının nümayəndəsi olmayıb.
Abşeron rayonunun Mehdiabad qəsəbəsində ölümlə nəticələnən qəza baş verib.
30 may tarxində baş verən qəzanın əsas səbəbinin yüksək sürtə həddi olduğu bildirilir.
Belə ki, 90-OX-168 dövlət nömrə nişanlı, "Qaz31” markalı avtomobilin sahibi anidən idarəetməni itirərək öncə yol kənarındakı ağaclara, daha sonra isə şəhid adına tikilən bulağa çırpılıb. Nəticədə tamamilə yararsız vəziyyətə düşən avtomobilin sürücüsü hadisə yerindəcə keçinib. Yan sükanda əyləşən dostu isə ağır xəsarətlərlə xəstəxanaya yerləşdirilib.
Yenidən Türkiyə Prezidenti seçilmiş Rəcəb Tayyib Ərdoğan bu gün and içəcək.
Mərasim Türkiyə Böyük Millət Məclisində (TBMM) yerli vaxtla saat 14:00-da keçiriləcək.
Tədbirdə bir çox dünya liderlərinin, o cümlədən Azərbaycan Prezidenti İlham Əliyevin, Ermənistan baş naziri Nikol Paşinyanın, NATO baş katibi Yens Stoltenberqin və digər dövlət və hökumət başçılarının iştirakı gözlənilir.
Ərdoğan and içəndən sonra Anıtqəbiri ziyarət edəcək və ardınca onun vəzifəyə başlaması mərasimi keçiriləcək.
Daha sonra Ərdoğan yeni Nazirlər Kabinetinin tərkibini açıqlayacaq.
