Hadisə » Səhifə 6 » Qaynar-xett.az

İsmayıllı sakinlərini ilan sancıb

(30-05-2023, 16:30)

İsmayıllı sakinlərini ilan sancıb. Qalagah kənd sakini, 2005-ci il təvəllüdlü Əliyev Səbuhi Qasım oğlu və Girk kənd sakini, 1958-ci il təvəllüdlü Quliyeva Fatma Cəfər qızı həyətdə əkin işləri görərkən ehtiyatsızlıq ediblər. Bu zaman otların arasında olan ilan qəflətən onları sancıb.

Ətraflı

Goranboy sakinində avtomat və narkotik aşkarlanıb

(30-05-2023, 16:00)

Goranboy sakinində avtomat və narkotik aşkarlanıb. Bu barədə DİN-in Mətbuat xidmətindən bildirilib.

Goranboy Rayon Polis Şöbəsinin əməkdaşlarının daxil olan məlumat əsasında keçirdikləri əməliyyat-axtarış tədbiri nəticəsində qanunsuz olaraq narkotik vasitə əldə edib saxlamaqda şübhəli bilinən rayon sakini Ramin Muradov saxlanılıb. Üzərindən 465 qram marixuana aşkar edilən şübhəli şəxsin ətrafında aparılan istintaq-əməliyyat tədbirləri nəticəsində onun yaşadığı Dəliməmədli şəhərində odlu silah da gizlətməsi məlum olub. Şəhər ərazsində olan körpülərdən birinin alt hissəsinə baxış keçirilən zaman oradan 1 ədəd "Kalaşnikov” avtomatı, 1 ədəd həmin avtomata məxsus daraq və 30 ədəd 5.45 mm-lik patron aşkar edilərək götürülüb. Aşkar edilən maddi sübutlar müvafiq ekspertizaya təqdim edilib, faktla bağlı araşdırmalar davam etdirilir.

Ətraflı

Həbsdə olan qohumuna narkotik keçirmək istəyən qadın saxlanılıb

(30-05-2023, 14:30)

Ədliyyə Nazirliyinin Penitensiar xidmətin əməliyyat aparatının həyata keçirdiyi əməliyyat-axtarış tədbirləri nəticəsində Bakı istintaq təcridxanasına narkotik və psixotrop maddələrin keçirilməsi cəhdinin qarşısı alınıb. Bu barədə xidmətin ictimaiyyətlə əlaqələr şöbəsindən məlumat verilib.

Bildirilib ki, Cinayət Məcəlləsinin 234.4.3-cü maddəsi ilə təqsirli bilinərək həbs edilmiş şəxs Rasim Arif oğlu Əsgərova sovqat gətirmiş qohumu - Gəncə şəhər sakini Jalə Məhərrəm qızı Kazımovanın əşyalarına və üzərinə baxış keçirilən zaman sellofan paketin alt hissəsində xüsusi üsulla gizlədilmiş ümumi çəkisi 4,633 qram olan psixotrop maddə - metamfetamin, ümumi çəkisi 3,419 qram olan narkotik maddə - heroin, ümumi çəkisi 0,44 qram olan narkotik maddə - marixuana, əynindəki şalvarın bel hissəsində xüsusi üsulla gizlədilmiş 2 ədəd tibbi şpritsin içərisində ümumi çəkisi 0,5 ml olan heroin məhlulu aşkar olunub. Faktla bağlı araşdırma aparılır.

Ətraflı

Bakıda qanlı dava: Ər-arvad bıçaqlandı

(30-05-2023, 13:30)

Bakıda kafedə dava düşüb, ər-arvad və gənc oğlan bıçaqlanıb. Hadisə mayın 28-də Binəqədi rayonu, M.Rəsulzadə qəsəbəsi, Z.Qəmbərov küçəsi, döngə 1-də yerləşən adsız kafedə qeydə alınıb.

Belə ki, kafedə müştəri qismində olan Ağacabədi rayon sakini, 1998-ci il təvəllüdlü Quliyev Elxan Elşən oğlu aralarında baş vermiş mübahisə zamanı digər masada əyləşən Cəbrayıl rayon sakini, 1972-ci il təvəllüdlü Səfərov Səməndər Zəxara oğluna, həyat yoldaşı, Q.Səfərovana və S.Səfərovun bacısı oğlu, 2003-cü il təvəllüdlü Məmmədli İlkin Elşən oğluna bıçaq xəsarətləri yetirib. Faktla bağlı Binəqədi Rayon Polis İdarəsində Cinayət Məcəlləsinin 126.1-ci (qəsdən sağlamlığa ağır zərər vurma) maddəsi ilə cinayət işi başlanılıb, E.Quliyev şübhəli şəxs qismində saxlanılıb.

Ətraflı

Özünü öldürən polkovnik görün kim imiş

(30-05-2023, 13:00)

Abşeron rayonunda vəzifəli şəxs intihar edib. Fövqəladə Hallar Nazirliyinin Sumqayıt Regional Dövlət Yanğın Nəzarəti İdarəsinin təhlükəsizliyi üzrə normativ iş şöbəsinin rəisi, polkovnik-leytenant Muxtar Cəbişov özünü asaraq həyatına son qoyub. Hadisə Ceyranbatan qəsəbəsi Şahbala Hüseynov küçəsində yerləşən nömrəsiz evin həyətində baş verib. İntihar mayın 28-də qeydə alınıb.

Ətraflı

Yardımlıda narkokuryer həbs edilib

(30-05-2023, 12:30)

Yardımlıda narkokuryer həbs edilib. Bu barədə Daxili İşlər Nazirliyinin Mətbuat Xidmətinin Lənkəran regional qrupundan məlumat verilib. Bildirilib ki, Yardımlı Rayon Polis Şöbəsinin əməkdaşlarının rayonun Jiy kəndi ərazisində keçirdikləri əməliyyat tədbirləri nəticəsində Bakı şəhər sakini İqbal Aslanov "Toyota Prius” markalı avtomobildə saxlanılıb. Polis əməkdaşları tərəfindən həmin avtomobilə keçirilən baxış zamanı oradan ayrı-ayrı bükümlərdə qablaşdırılmış ümumilikdə 5 kiloqramdan artıq heroin və 3 kiloqram 500 qram marixuana, 2 kiloqram metamfetamin və 1000 ədədə yaxın metadon həbi aşkarlanaraq götürülüb.

Ətraflı

Balakəndə kafedə xuliqanlıq edən şəxs saxlanılıb

(30-05-2023, 09:00)

Balakəndə kafedə xuliqanlıq edən şəxs saxlanılıb. Mayın 28-də rayon sakini Ceyhun Kahayevin işlətdiyi kafeyə müştəri qismində gələn 1992-ci il təvəllüdlü Məhəmməd Məmmədov orada mübahisə yaradıb. O, əvvəlcə bakal ilə obyektdəki televizoru sındırıb, daha sonra isə C.Kahayevin üz nahiyəsinə yumruqla vuraraq xəsarət yetirib. Daxili İşlər Nazirliyinin Mətbuat Xidmətinin Şəki regional qrupunun baş inspektoru, polis kapitanı Mahir Məsimov "Report"a bildirib ki M.Məmmədov polis əməkdaşları tərəfindən saxlanılıb. "Onun xuliqanlıq əməlini sərxoş vəziyyətdə törətdiyi müəyyən edilib. Müvafiq ekspertiza təyin olunub və faktla bağlı rayon polis şöbəsində araşdırma aparılır", - M.Məsimov vurğulayıb.

Ətraflı

“Ruslar ölür... ABŞ heç vaxt belə uğurla pul xərcləməyib” - Rusiya amerikalı senatoru axtarışa verdi

(29-05-2023, 17:00)

Rusiya Daxili İşlər Nazirliyi(DİN) ABŞ senatoru Lindsi Qremi rəsmən axtarışa verib.

Rusiya DİN L.Qremi "rusofob açıqlamalar verməkdə” günahlandırıb.

Belə ki, senatorun mayın 26-da Kiyevdə səfərdə olarkən Prezident Volodimir Zelenski ilə görüşdə ABŞ-ın Ukraynaya maliyyə yardımı barədə danışarkən, rusiyalıların ölümündə maraqlı olduğuna dair açıqlama verdiyi bildirilir.

Ətraflı

Azərbaycanda zavodun fəaliyyəti dayandırılıb - Rəhbəri cərimələnib

(29-05-2023, 15:30)

Biləsuvar-Bəhrəmtəpə yolunun 3-cü kilometrliyində fəaliyyət göstərən asfalt-beton zavodundan atmosferə tullantı atılığı müəyyən olunub.

Bu barədə Dövlət Ekoloji Təhlükəsizlik Xidmətindən məlumat verilib.

Bildirilib ki, araşdırma zamanı "45-li Yol İstismarı” MMC–yə məxsus zavoddakı təmizləyici qurğulara texniki xidmət göstərilmədiyindən ətraf mühitə tullantı atıldığı məlum olub.

Faktla bağlı zavodun rəisi Qədir Əskərov barəsində protokol tərtib olunub və o, vəzifəli şəxs qismində 3500 manat məbləğində cərimə edilib.

Çatışmazlıqların aradan qaldırılması üçün Q.Əskərova məcburi göstəriş verilib və nöqsanlar aradan qaldırılanadək zavodun fəaliyyəti dayandırılıb.

Ətraflı

Lənkəranda çimərlikdə mina aşkarlanıb

(29-05-2023, 15:00)

Lənkəranda Xəzər dənizinin sahilində mina tapılıb.

Mina sahil zolağında, çimərlik ərazisində aşkar olunub.

Əraziyə mütəxəssislər cəlb edilib. İnsanlar təxliyə edilməklə təhlükəsizlik tədbirləri görülüb və mina zərərsizləşdirilib.

Qeyd edək ki, ərazidə vaxtilə sovet ordusuna aid hərbi hissə yerləşib. Dənizdə su səviyyəsi artdıqdan sonra ərazi su altında qalıb. Artıq bir neçə ildir ki, bu ərazilər quruduqca minalar aşkar edilərək müvafiq qurumların əməkdaşları tərəfindən zərərsizləşdirilir.

Ətraflı