Bir müddət öncə mediada Hərbi Prokurorluğun böyük müstəntiqi, ədliyyə müşaviri Ceyhun Hüseynovun həyat yoldaşına şiddət göstərdiyi iddia edilmişdi.

 C.Hüseynov həmin məsələ ilə bağlı həyat yoldaşı Nərgiz Hüseynova barəsində xüsusi ittiham qaydasında məhkəməyə müraciət edib.

O, şikayət ərizəsində qeyd edib ki, həyat yoldaşı mediaya verdiyi müsahibədə həqiqətə uyğun olmayan böhtan xarakterli məlumatlar yayıb, onun şərəf və ləyaqətini ləkələyib. Sabiq müstəntiq iddia edib ki, N.Hüseynova yalan olduğunu bilə-bilə böhtan xarakterli məlumatlar yaymaqla onun işgüzar nüfuzunu da zədələyib.

Tovuzda itkin düşən 13 yaşlı qız tapılıb.

DİN-in Mətbuat xidmətinin Gəncə regional qrupunun baş inspektoru, polis kapitanı Eşqin Qasımov  bildirib ki, Əfsanə Tağıyevanın Xaçmazda olması müəyyən edilib.
Ətraflı

"Tovuz RPŞ əməkdaşlarının keçirdikləri axtarış tədbirləri nəticəsində rayon sakini Əfsanə Tağıyevanın yeri Xaçmaz rayonunda müəyyənləşdirilib. Artıq polis əməkdaşları Ə.Tağıyeva ilə əlaqə saxlayıb, səhhətinin normal olduğu, həyatı təhlükəsinin olmadığını dəqiqləşdirib. İlkin məlumata görə Ə.Tağıyeva ailə qurmaq üçün öz istəyi ilə Xaçmaz rayonuna gedib. Tezliklə qız ailəsinə təhvil veriləcək. Araşdırmalar davam etdirilir”, - DİN rəsmisi qeyd edib.

Ukraynanın bütün bölgələrində hava hücumu xəbərdarlığı verilir.

Bu barədə UNİAN məlumat yayıb.

 Bildiriş üçün rəsmi xəritədə Ukraynanın bütün ərazisi qırmızıya çevrilib. M

 Məlumata görə, shava həyacanı siqnalından başqa Dnepr, Zaporojye və Xarkov vilayətlərində partlayış səsləri eşidilib.

 

Rəsmi qurumlar hələlik heç bir açıqlama verməyib.

Cənubi Afrika Respublikasında son günlər aratan ishal hallarının vəba olduğu ortaya çıxıb.

Bu barədə xarici KİV məlumat yayıb.

Mayın 15-dən 95 nəfərin müalicə olunduğu açıqlanıb.

Onlardan 37 nəfəri xəstəxana şəraitində müalicə olunub.

Buna əsasən, son bir həftədə biri uşaq olmaqla 10 nəfər vəba xəstəliyindən dünyasını dəyişib.

Oxu24.com  xəbər verir ki, bu barədə xarici KİV məlumat yayıb.

 

Ətraflı

 

 

 

"Vibrio” bakteriyasının törətdiyi qida və su ilə yoluxan vəba bədəndə şiddətli ishal və susuzluğa səbəb olur.

Xəstəlik müalicə olunmazsa ölümcül ola bilir.

Xəbər verildiyi kimi, ötən gün naməlum şəxs Gəncə şəhəri ərazisindəki kafelərdən birinə qumbara ataraq bir neçə nəfərin xəsarət alması və kafeyə ciddi maddi ziyan dəyməsi ilə nəticələnən cinayət hadisəsi törədib.

Daxili İşlər Nazirliyi Mətbuat Xidmətindən  verilən məlumata görə, polis əməkdaşları tərəfindən keçirilmiş əməliyyat axtarış tədbirləri nəticəsində həmin şəxsin, törətdiyi müxtəlif cinayətlərə görə əvvəllər dəfələrlə məhkum olunmuş Gəncə şəhər sakini Elmir Nağıyev olması və onun Bakı şəhərindəki mənzillərdən birində gizləndiyi müəyyən olunub. E.Nağıyev saxlanılarkən polis əməkdaşlarına qarşı odlu silahla müqavimət göstərib. Bundan sonra polis əməkdaşları tərəfindən silah tətbiq edilib, nəticədə Elmir Nağıyev zərərsizləşdirilib.

Hadisə yerindən 1 ədəd əl qumbarası və və tapança götürülüb.

Hazırda əməliyyat-istintaq tədbirləri davam etdirilir.

 

Bu gün səhər saatlarında İranın İsfahan şəhərində "Xane-i-İsfahan” həbsxanasında Saleh Mirhaşimi, Məcid Kazemi və Səid Yəqubi barəsində çıxarılan ölüm hökmü icra olunub. Bu barədə məlumatı "Fars” agentliyi yayıb. Qeyd edilib ki, onlar 2022-ci ilin noyabrın 25-də İsfahanda Məhhəle-Xane meydanın təhlükəsizlik qüvvələrinin 3 əməkdaşına silahlı hücum edərək, onları qətlə yetirməkdə təqsirli biliniblər. Xatırladaq ki, son bir neçə gündə İsfahan şəhərinin mərkəzi həbsxanası qarşısında edam olunan 3 nəfər barəsində çıxarılan ölüm hökmünə etiraz aksiyası keçirilib. Həbsxana qarşısına toplaşan insanlar hökumət əleyhinə şüarlar səsləndiriblər.

Bakıda həbsdə olan ərinə narkotik keçirmək istəyən qadın saxlanılıb.

Bu barədə  Ədliyyə Nazirliyi Penitensiar xidmətindən məlumat verilib.

Bildirilib ki, xidmətin əməliyyat aparatının həyata keçirdiyi əməliyyat-axtarış tədbirləri nəticəsində 10 saylı cəzaçəkmə müəssisəsinə psixotrop və narkotik maddələrin keçirilməsi cəhdinin qarşısı alınıb.

Cinayət Məcəlləsinin 126.3-cü maddəsi ilə təqsirli bilinərək 10 il müddətinə azadlıqdan məhrum edilmiş məhkum Sadiq Əhəd oğlu Fətullayev ilə qısamüddətli görüşə gələn arvadı Naidə Şikar qızı Nağıyevanın gətirdiyi əşyalara və üzərinə baxış keçirilən zaman üzərində gizlətdiyi 2 ədəd sellofan bükülüdə ümumi çəkisi 0,723 qram olan psixotrop maddə - metamfetamin və ümumi çəkisi 0,945 qram olan narkotik maddə - marixuana aşkar olunub.

Xəbər verdiyimiz kimi, mayın 13-ü saat 18 radələrində Xızı rayonu, Giləzi qəsəbəsində yerləşən fərdi yaşayış evlərindən birində 1999-cu il təvəllüdlü Ləman Qurbanova qətlə yetirilib.

Aparılmış araşdırmalarla 1984-cü il təvəllüdlü Taleh Qurbanovun qohumu Ləman Qurbanovanı boğaraq qəsdən öldürməsinə əsaslı şübhələr müəyyən edilib.
 Faktla bağlı Xızı Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb. İş üzrə şübhəli şəxs qismində saxlanılan Taleh Qurbanov hadisədən sonra könüllü olaraq istintaqa təslim olub.

Qeyd edək ki, Ləman Qurbanova şəhid Saleh Qurbanovun həyat yoldaşı olub.

"Astar” kanalı Ləman Qurbanovanın qətlə yetirildiyi Xızı rayonundan xüsusi reportaj hazırlayıb. L.Qurbanovanın valideynləri və Taleh Qurbanovun atası hadisə barədə fikirlərini bildiriblər.

Bakıda çoxmərtəbəli binada yanğın olub.

Bu barədə  Fövqəladə Hallar Nazirliyinin (FHN) Mətbuat Xidmətindən məlumat verilib.

Bildirilib ki, paytaxtın Xətai rayonunda doqquzmərtəbəli yaşayış binasının 9-cu mərtəbəsində ümumi sahəsi 80 m² olan 3 otaqlı mənzilin mətbəxində mebel 2 p.m, 1 ədəd aspirator və 1 ədəd qaz sobası yanıb. Mənzilin qalan hissəsi yanğından mühafizə olunub.

Yanğın yanğından mühafizə bölmələri tərəfindən söndürülüb.

Ermənistanın baş naziri Nikol Paşinyanın oğlu Aşot Paşinyanı oğurlamağa cəhddə şübhəli bilinən və hazırda istintaq təcridxanasında saxlanılan Qayane Akopyan aclıq aksiyasına başlayıb.

Bu barədə "Sputnik Armenia” məlumat yayıb.

O, hüquqlarının pozulmasına etiraz edir. Q.Akopyan A.Paşinyanla üzləşdirilməsi tələbini irəli sürüb.

O, tələbləri yerinə yetirilməyənədək aksiyanı dayandırmaq fikrində deyil.

Qeyd edək ki, mayın 17-də A.Paşinyanın oğurlanmasına cəhd olub.

"Oğulların harayı" adlı ictimai təşkilatın nümayəndələri Aşot Paşinyanı zorla maşınlarına mindiriblər, amma avtomobilin yolda bir anlıq dayanmasından istifadə edən A.Paşinyan maşından düşüb qaçıb, bu zaman isə "Oğulların harayı" təşkilatının arxadan gələn digər avtomobili onu vurub.