Ukraynalı tennisçi Elina Svitolina Rolan Qarros kortlarında Fransa Açıq çempionatının dördüncü tur matçından sonra rusiyalı Daria Kasatkina ilə əl sıxmayıb.

 Görüş 6:4, 7:6 (7:5) hesabı ilə ukraynalının xeyrinə başa çatıb. Eyni zamanda, qarşılaşma başlayandan sonra Kasatkina Svitolinaya baş barmağını göstərərək, onu bəyənib.

 Eyni hadisə mayın 19-da Romada keçirilən WTA turnirinin yarımfinalında da baş verib. Ukraynalı tennisçi Ancelina Kalinina rusiyalı rəqibi Veronika Kudermetova ilə əl sıxışmayıb. Ukraynalı qadın əl sıxmağı qəbuledilməz adlandırıb. Jurnalistlərə müsahibəsində tennisçi bildirib ki, tennis təkcə idman deyil, həm də "siyasi bir şeydir”.

Qadın voleybolçulardan ibarət Azərbaycan millisinin yeni baş məşqçisi Ataman Güneyligilin köməkçisi bəlli olub.

Bu vəzifəni Gençer Yarkın yerinə yetirəcək.

O, yığmada fiziki hazırlıq üzrə məşqçi olacaq.

Qeyd edək ki, Ataman Güneyligil Azərbaycan yığmasına mayın 15-də təyin olunub. 39 yaşlı Gençer Yarkın isə əvvəllər Türkiyənin "Qalatasaray” klubunda eyni vəzifəni icra edib.

2023 Formula 1 Azərbaycan Qran Prisi üçün biletlərin 90 faizi artıq satılıb.

Bunu  Bakı Şəhər Halqası Əməliyyat Şirkətinin mətbuat katibi Turab Teymurov deyib.

O qeyd edib ki, builki "Formula 1" yarışları üçün 100-dən çox ölkədən bilet alınıb.

Fransanın PSJ klubunun futbolçusu Lionel Messi 10 saat onu gözləyən azarkeşi evinə qonaq edib.

Xuan Polkan adlı fanat bu barədə "Infobae" nəşrinə müsahibəsində bildirib.

Tərəfdar səhər saat 09:00-da argentinalı forvardın evinə yaxınlaşıb. Polkan 9 saatdan sonra Messini görsə də, ulduz futbolçunun yanından keçdiyini deyib. Mühafizəçi onu qovmaq istəsə də, oyunçunun həyat yoldaşı azarkeşi evə dəvət edib.

Fanat ardınca Messi ilə salamlaşdığını sözlərinə əlavə edib: "Bu, inanılmaz an idi. Onu necə çox sevdiyimi dedim. Şəkil çəkdirdik, oynadığım futzal klubunun formasına imzasını atdı və məni qucaqladı".

"PSJ”nin argentinalı hücumçusu Lionel Messi klub səviyyəsində Avropada ən çox qol vuran Səudiyyə Ərəbistanı təmsilçisi "Əl-Nəsr”in hücumçusu Kriştianu Ronaldonun rekordunu yeniləyib.

Messi Fransa çempionatının 30-cu turunda "Nitsa” ilə oyunda qol vuraraq buna nail olub.

Bu qol Messi üçün Avropa klubunda çıxış edərkən vurduğu 702-ci qol olub. Hücumçu "Barselona”nın heyətində 672, "PSJ”də isə 30 qol vurub.

Qeyd edək ki, Kriştianu Ronaldonun isə 701 qolu var ("Real Madrid”də 450, "Mançester Yunayted”də 145, "Yuventus”da 101, "Sportinq”də 5).